 |
| 相片連結 |
今日工人姐姐放假, 呢個姐姐話明要放星期日, 是旦啦, 鬼叫我請工人唔容易, D姐姐一聽見有3隻狗狗, 仲要僱主無番工, 都耍手擰頭喇!
本來無咗姐姐幫手做家務, 以前係會唔習慣, 雖然係一日半日, 但懶慣嘛, 要自己吸塵清潔覺得好煩; 但人適應力真係好強, 自從新姐姐嚟咗, 我要一日忙到晚, 嗰種勞累唔止肉體, 精神上忙到好殘!
唔怪得好多人寧願忍氣吞聲, 去種大工人個膽, 事實上從頭開始教, 真係好慘 :'(
可能呢排忙慣咗, 又可能一朝要講到晚, 今日姐姐出咗去, 我完全唔覺麻煩, 輕輕鬆鬆仲可以同3隻豬仔玩, 餵完佢地3餐仲有大把時間; 一於同佢哋影番輯過節相, 係蛇年相嘅第一炮!
3隻豬好似無乜mood, 都唔笑, 好彩影出嚟唔太差 :)
今日波波脾氣好猛, 豆b一坐埋就打交, 要3隻豬齊齊整整影張相好難; 可能今朝食完消化晒, 肚仔餓心情差, 食完午餐再試吓, 放達達喺中間隔開吓, 算係咁啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
