半夜4:30, 完全無睡意, 本來瞓咗, 但比波波嚇醒 :(
如常每晚都放波波同達達入籠, 佢哋從細困籠覺得有安全感卦, 喺籠裡面會瞓得好熟, 我唯有將個籠整得舒舒服服, 鋪厚床褥啦; 無論我買幾多床仔, 咁多年嚟過夜都一定入籠, 已成習慣!
今晚(應該係琴晚喇)如常11點左右放佢哋入籠, 我自己睇咗一陣小說, 剛入夢, 就聽到波波尖叫, 嚇到我成個彈起, 急急跳落床!
從個籠抱佢出嚟, 以為佢發惡夢, 過咗一陣, 佢平靜落嚟, 我就抱佢去廁所尿尿啦, 但見到佢縮起咗一隻後腳!
好端端點會發生呢個問題? 佢係瞓緊唔係跑緊跳緊, 無可能屈親跌傷; 一向身體撿查都無話佢有嚴重關節毛病, 3隻豬當中Dr.Hsiang仲話佢係最好狀態, 點解會咁樣?
第一個印像係佢抽筋, 抑或神經痛, 想搵之前V送比佢嗰樽sore no more lotion同佢按摩吓 , 應該可以放鬆啦, 但一急起上嚟反轉間屋都搵唔到, 明明放喺當眼處, 但竟然失縱 :(
無辦法唯有慢慢按摩吓佢嘅肌肉, 再輕輕掃吓佢膝蓋, 佢都無嘈, 心諗休息一陣應該ok啦!
我當然唔敢瞓, 放佢上我床密密監察住佢情形, 但過咗幾個鐘, 佢都係將腳吊起, 我開始心慌!
我再小心撫摸佢, 當我抱起佢時, 佢無再將腳縮起, 有垂低放落嚟, 即係膝頭無事, 但一落地, 又縮番起嚟!
 |
| 個樣好慘啊 :( |
今次我主力檢查佢腳仔, 當我摸到去腳眼位佢大叫, 我個心即刻跳咗出咗, 我懷疑佢瞓著時腳仔喺籠嘅欄位卡咗出去, 唔小心拗傷！
死啦咁真係可大可小, 又驚有骨裂, 見佢痛到呱呱叫我真係想喊出嚟; 漫漫長夜點過?
又唔知一陣book唔book到醫生有空檔位, 心都亂晒!
一定要買個代替品, 唔敢再入籠, 好驚！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
