今日又係中午同3隻豬去散步, 咁好嘅天氣點捨得唔出去！
近來覺得波波情緒有好轉, 都好耐無同豆b打交喇; 而我同佢散步都盡量做番正向訓練, 當然要配合環境先可行, 如果太多挑戰, 佢會好亂！
呢兩日我都利用小食幫忙, 佢做得好我就獎勵, 例如最簡單嘅佢行得開心我都會鼓勵, 會比佢知佢做得對, 媽媽鍾意 :)
呢兩日成績都唔錯, 尚算平靜, 偶然失控我都唔比佢壓力喇, 由得佢啦！
 |
| 手中時刻都拎住小食準備:） |
今日返屋企途中遇到放學時間, 我避無可避, 四方八面都係小朋友, 我心諗今次實死啦; 但出乎意料波波無吠, 喺車仔入面好乖咁爬低, 我當然誇張咁大讚一餐, 又賞小食啦！
 |
| 咁多小朋友環境又嘈雜，波波都唔吠真係好難得 |
其實佢哋喺車仔內我好怕比零食, 3隻豬距離太近, 我怕豆b搶前會誘發衝突行為, 但唔on timing去獎勵, 又唔可以肯定波波呢個行為, 有D矛盾！
好彩無驚無險風平浪靜, 豆b無爭先, 波波脾氣好轉, 達達一向對零食無咩興趣, 可能佢累積壓力並未消除！
何謂壓力? 點解連狗狗都會有咁慘?
訓練單一隻狗狗都難, 何況仲添加支節, 我對成功突破都無咩信心 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
