今日又再比波波試戴太陽鏡, 一日裏面練習嘅時間唔多, 店舖姐姐話試嘅時候一定要環境光猛, 如果黑暗佢哋會好驚, 呢D係之前顧客嘅分享!
今日比波波戴住學行, 佢行得好攪笑, 好似飲醉酒咁, 右搖左 搖; 跟住就坐定唔肯行, 然後用手猛撥, 咁我快快幫佢除啦!
店舖姐姐一早話會係咁㗎, 要慢慢練習, 有D狗狗接受快D, 有D就比較長時間, 但重點係唔可以令佢反感啦!
波波都還算OK, 起碼我拎個眼鏡出嚟, 佢會伸個頭仔向前比我同佢戴, 但就唔可以戴得耐, 未習慣啦, 今日先係第二日試戴!
我預咗要幾個月時間, 先可以戴住行街街, 呢個我唔敢心急啦!
跟住比豆b試戴, 豆b無好似波波咁會用手去撥, 但就成個呆晒, 戴住個眼鏡郁都唔敢郁, 面無表情木木獨獨, 好攪笑啦!
不過比豆b戴稍嫌個眼鏡過大, 卡住鼻仔好低, 唔知係咪唔舒服啦; 呢個size已經係xxs, 無再細嘅size喇!
達達豬呢隻惡豬最可怕, 想試吓都唔得啦, 我個眼鏡都未放好, 佢就典嚟典去好似劏咗佢咁尖叫, 真係怕咗佢喇!
呢個女咩都唔比掂, 擦牙唔得, 剪趾甲唔得, 咩都呱呱叫一餐 :(
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
