我都做足準備工作, 同佢哋戴上太陽鏡後抱住佢哋行一段時間, 比佢哋感受吓光線, 再放落地學行; 波波都係個性緊張, 行得麻麻, 我好快同佢除番; 之前有人談及物似主人型呢個論點, 唔通真係啱?
我有質疑我咁多隻狗狗, 性格大不同, 點可以話似我呢; 佢哋話依據我最鍚嗰隻就啱喇!
越嚟越覺得波波似我咁蛇呱, 咩都驚一餐, 真係麻鬼煩!
豆b都一樣咁做啦, 都係先抱住行吓, 然後再放佢落地; 豆b比波波叻100倍, 仲可以跑吓; 不過我都係好快除番, 驚佢反感啦; 今日豆b最搶鏡喇, 戴住個黑超好鬼cute, 好多人要同佢影相, 今日佢就巴閉喇 :D
輪到惡女達達, 就試都唔敢同佢試啦, 陣間嚇一嚇以後唔敢行, 咁就前功盡廢喇; 達達眼仔無對twins咁大, 都無咁多眼水, 免得過都唔麻煩佢啦, 食住眼仔supplement應該ok喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
