 |
| 相片連結 |
呢兩日都如常同3隻豬出去, 中午雖然有太陽, 但有風唔熱, 揀呢個時候有一段路好靜, 好適合達達豬; 每行過有太陽曬住嘅地下, 我一定自己先試試, 覺得地下熱就先抱起佢哋, 經過咗再開始!
 |
| 好開心波波咁快接受到個太陽鏡 |
每日都帶住太陽鏡比對twins試, 琴日係第二日落街, 波波比第一日進步好多, 可以戴住行好長嘅一段路, 當佢開始用手撥我即除!
 |
| 豆b無零食好懶嘅, 唔肯行 |
豬豆當然無問題, 呢隻為食豬仔有零食就乜都忘記, 好似唔記得戴住個眼鏡仔!
 |
| 達達豬會喺街上尿尿,咁正常醜醜都要影 :) |
達達唔會勉強佢, 佢情緒唔穩定要佢戴就攞嚟衰, 難得近日佢開開心心, 唔敢嚇親佢喇!
 |
| 睇隻惡豬仔幾曳曳 |
呢兩日達達豬盡顯番佢真個性, 回復番佢惡女嘅盛名, 早前佢無晒信心, 有狗狗過去打招呼佢會好驚, 會定晒型!
依家明顯有改變, 今日遇到隻松松, 主人話打個招呼啦靚女, 佢就起勢鬧狗哋, 佢要自己選擇朋友仔, 唔好隨便行過嚟喎, 雖然咁惡死係唔好, 但我其實係開心佢表露番佢嘅真性情 :)
 |
| 有陽光時自我感覺良好 ;) |
波波今日再試戴太陽鏡, 有突破性嘅進步, 由行到好似醉酒, 到今日完全無問題, 呢隻豬原來好叻仔, 只係信心不足; 原本以為要磨上幾個月嘅事, 萬萬想唔到3日就OK :)每次有陽光, 有大風吹起, 我就覺得呢個眼鏡起到保護作用, 再唔怕佢充滿眼淚眼仔又瞇起上嚟, 波波眼仔係敏感D, 呢個眼鏡好適合佢!
豆b雖然多眼淚, 但唔覺佢眼仔瞇瞇, 不過既然佢唔抗拒, 都不防比個保護佢; 希望佢哋眼仔保養得好, 可以延緩眼仔嘅衰老啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
