 |
| 相片連結 |
週末一般都唔會帶3隻豬出去, 一定會比平日多狗狗出去行, 但工人姐姐週日放假我自己一個攪唔掂, 天氣咁好, 如果唔出去, 又要等到星期一喇, 都係決定出去!
今日仍然係揀中午出動, 但都見有其他狗狗喺街上行喇, 我嘗試用小食轉移波波嘅注意力; 狗狗喺遠處波波神情已經開始戒備, 但仍會接小食入口, 但狗狗逐漸移近, 佢衰到將小食從口中吐番出嚟, 係都要撲同吠, 我真係無晒辦法, 我要點做先可以幫到佢???
反而用小食就避到佢向小朋友吠, 佢行完上番車仔, 有小朋友經過佢都只係爬低, 希望佢可以keep到呢個行為啦!
 |
| 有小朋友會用小食轉移 一見遠處有狗狗就已經戒備:( |
跟住到達達落地行, 達達依家越嚟越惡死喇, 以前有狗狗聞佢, 唔係正面佢都OK, 但依家狗狗只係路過, 同佢身位仲有一個距離, 佢已經好惡咁鬧狗哋, 好似叫佢止步, 唔好再行埋嚟!
我都唔知應該開心達達有番佢惡女嘅本性, 還是係擔心點解兩隻豬越嚟越要同其他狗狗保持距離😱
 |
| 望住狗哋， 準備鬧佢 |
跟住帶豆b行, 今日豆b好懶, 唔用小食引佢唔係好肯行, 又聽唔到佢有喘氣, 真係曳豬!豆b行嘅時候遇到有兩位女仕, 佢哋衝前逗豆b, 本來都唔係咩大件事, 人家都係見狗狗可愛先感興趣; 但跟住佢哋嘅做法就令我好激氣！
 |
| 豆b都比呢兩個人嚇到定咗落嚟 :( |
呢兩個人轉頭望到工人姐姐推住車仔上嘅波波同達達, 大叫好得意; 最離譜係佢指住達達, 同姐姐講佢哋要玩呢隻, 叫姐姐打開個車蓬😠
我企喺姐姐身邊, 喺咪應該禮貌上徵求我同意?
我真係好慶幸今日落咗個蓬, 平時我會打開流通空氣, 冥冥中注定唔比佢哋攪到達達豬!
姐姐真係黐黐哋, 佢想動手聽從人哋, 我立刻阻止, 我唔想嚇親達達豬; 但呢兩個生番, 竟然用手拍打個車罩, 攪到兩隻豬嘈到死!
真係好激氣, 你要玩呢隻係咩意思, 依家係大笪地賣藝做馬騮戲? 又嬲姐姐蠢到死 😡
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
