今日萬聖節, Happy Halloween!
早幾日影咗過節相, 都整咗南瓜盅比佢哋應節, 呢個節日本來告一個段落; 不過琴日阿女拎咗萬聖節cookies番嚟, 咁靚嘅design唔捨得唔影相留念, 今日再影幾張啦 :)
呢D曲奇餅有膠袋封住
今朝一早餵完早餐, 無幾耐豆b全部嘔番出嚟, 係食得急還是有其他原因, 有待觀察!
到咗午餐時間, 見到豆b精神無異樣, 仲好似好肚餓咁, 都安樂D啦; 不過仍然想比佢個胃仔休息吓.
兩隻豬照食午餐, 豆b我比佢飲少少腸胃湯啦!
 |
| 無戴太陽鏡波波又眼瞇瞇喇！ 相片連結 |
今日無同3隻豬出街, 琴日同佢哋出去時達達表現好奇怪, 行到尾仔耷晒好似好驚, 最後都要上番平台行; 唔知係咩原因, 反正豆b又嘔, 兩隻豬都不在正常狀態, 今日都係坐車落平台算啦!
希望達達唔係又開始脫毛症復發, 影響咗佢情緒啦, 今日開始將花藥放落佢嘅飲用水喥, 等佢平均全日補吸啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
