天然止痛藥 - 山金車

內服嘅未到, 外用頂住先, 心安一D :)

波波脚仔事件告一段落, 摒除咗有可能整傷波波脚仔嘅因素,  已經整好個籠; 跟住就諗要放定D藥物等有突發事件, 需要時可以止痛!

早前波波背部有骨刺, 痛到佢唔想郁, 睇醫生都係比咗止痛藥, 然後建議盡量休息- 困籠!
其實我係可以配定呢隻止痛藥備用, 呢隻藥喺獸醫界非常普通,  但最近睇咗一D相關嘅資料, 我唔想再用喇!

"I have seen repeated problems with Metacam - Meloxicam drug (in Hong Kong is equivalent to Petcam) . Anywhere from renal disease to liver problems and sudden decrease in energy. You must beware of giving this drug. It is given to almost every patient at veterinary clinic. I am not going stay silent about this crap!!!!!!!" Dr. Dobias

但如果佢痛起上嚟, 我無可能眼睜睜望住佢不為所動嘛? 咁點辦呢?

近來有好幾個狗友都有用順勢療法, 而我亦發覺好多狗主都對另類治療開始認同, 如針灸, 中醫中藥等等!
其實我開始接觸順勢療法應該唔係今日喇, 好多年前我都有用"動靜期"去幫樂樂嘅關節痛, 依家睇番原來成份都有山金車, 只不過當時我唔知呢個係順勢療法嘅一種, 正確D講, 我唔明咩叫順勢療法, 祇知呢隻滴劑神奇咁可以止痛, 又無副作用; 見到樂樂關節痛, 我唯有試用!

當時樂樂關節痛, 我都係唔想借助太多止痛藥, 長期咁食除咗怕傷肝腎, 都怕腸胃㿉瘍; 當時搵到呢隻產品, 有致電同產品顧問垂詢, 咁就開始一直用; 呢隻產品比較普及, 一D大型寵物
店都會搵到, 佢哋都好認同.講真樂樂係長期咁用, 到佢15歲離開之前都有keep住體檢驗血, 肝腎都係在可以接受嘅範圍, 當然唔可以同年輕時作比較啦, 但對一隻老狗來講醫生都話可以接受, 唔使長期用藥啦!

到今日我想再借助順勢療法, 不過就再唔會盲舂舂去亂碰, 雖然話呢個療法安全無副作用, 但我全無呢方面嘅知識,祇係上網搵料好似講唔通; 上網只可以有多D認識, 但真實去用, 我極需要一個consultant! 

幸運地有好朋友V, 佢喺呢方面可以幫到我, 佢有完成正統動物學嘅相關學術課程, 對於要食幾多劑量, 食用上嘅禁忌, 要點樣食法, 一切一切, 都可以向佢請教;  我希望用少D對肝腎有傷害嘅藥物, 而轉用一D天然草藥, 等豬仔們身體健康得以保護啦!

今次在正式指導下會配備天然嘅止痛藥, 山金車Arnica 30C, 遲少少會從美國運送, 希望有需要時幫到波波,  不過最好係唔使用啦 :)
今日就買咗外用嘅Sore No More - Massage Gelotion, 成份都包含有山金車,有唔妥都可以頂住, 事實上都應該有支看門口, 留個備用！

下面有D相關資料, 有興趣都可以睇下!

原文連結: http://homeopathyland.mysinablog.com/index.php?op=ViewArticle&articleId=2665877 

英國藥物健康管理局（MHRA）在2009年5月，發出史上第一張藥證給Arnica 30C（山金車），可說是順勢療法在英國的一大突破。

根據 2009年5月15日英國泰晤士報報導，在英國長期以來妾身未明的順勢療法，終於以Arnica 30C拿到第一張藥證。雖然歐盟早已承認順勢療法為醫學的一環，並將順勢療法中使用的糖球列為藥品，但由於英國並非歐盟會員國，就算英國健保（NHS）給 付順勢療法，但仍被視為民俗療法的一種。這次批准山金車為藥品，雖然時間遠遠落後歐盟，也算是順勢療法的一大突破。這次MHRA發給第一張順勢療法的重要製劑 Arnica 30C，是指把山金車花，以每次1：100的倍數，稀釋30次，把有效成份稀釋到近乎不以物質方式存在，所製成的藥劑，近乎是以糖球在治病的醫療方式。從 現在起，這瓶標價5.3英磅、內有84顆糖球的山金車藥劑，可以公開標示：「順勢醫療產品，一般用於挫傷後扭傷、肌肉酸痛、瘀青、腫的症狀解除。」

　　報導中指出， MHRA根據自2006年9月起實施的「順勢療法英國國家管理法」，發出順勢療法的第一張藥證。「順勢療法英國國家管理法」立法目的，主要是為解決與歐盟 之間對於順勢療法管理的落差。早在1992年，歐盟就已承認順勢療法的療效，納入正統醫學管理，並給予健保給付。
  
順勢療法相關資料：

http://www.boiron.com.tw/Bravo-medical/QAHomeopathy.htm

 http://www.wretch.cc/blog/happybanban/9661100

http://www.dogsnaturallymagazine.com/12-homeopathic-remedies/

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！