廢物利用

唔知係咪脚仔仲痛呢, 波波個樣咁愁嘅 :(

當我有懷疑係個籠卡到波波隻脚, 第一時間就上網搵代替品, 唔想比兩隻豬再入籠喇, 咁攪一攪我真係怕怕!

多謝好朋友A同網友G比我意見, 不約而同都叫我唔使買籠, 要解決呢個問題其實好容易, 就係用D物料圍住啦!

網友G建議用矮圍板, 而A就提意用軟膠片, 甚至包書膠都好辦, 主要都係唔比佢隻脚仔卡到出去!

當我聽咗呢D咁具建設性嘅意見, 即刻有個畫面浮咗出嚟 , 以前我都有同安安嘅籠做過, 點解完全唔記得晒?

之前安安好爛瞓， 我圍得好密實

我呢D咁心急嘅人, 又點會肯等,  即刻搵出D舊床單舊冷氣被, 廢物利用, 開始動工!

今次就參考BB床嘅圍欄, 祇做下半身, 通氣D嘛; 而用布做會比較舒服, 加D棉喺中間, 個頭仔揩到都唔會痛啦!

 終於做成功喇, 效果唔錯呀, 放兩隻豬落去試吓都好OK吖,尤其係達達, 有嘢圍住更有安全感, 佢好鍾意啊！

達達好鍾意, 爬低咗唔出嚟喇 :)

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！