 |
| 相片連結 |
2013年快到尾聲, 又到咗10月萬聖節喇!
今年有諗過唔同3隻豬影過節相, 每年都當係大project咁做, 巴巴閉閉咁好無聊; 老公見我咁講佢失笑, 佢話我一個女人仔想做咩偉大事件?
唔係每個都係偉人可以做偉大事, 重要嘅係每日都開開心心, 活好每一天, 想做嘅嘢如果令到自己開心, 唔傷害他人就去做, 那怕係有幾無聊!
越嚟越覺得人生聚散無常, 一個姐姐短期內移民, 一個罹患重病, 生活滿是無奈, 即使我心愛嘅3隻豬仔, 都有離開我嘅一日, 我可以點?
睇過一本小說, 書名係"如何說再見",講述一個年青攝影師病重時利用相片, 記錄有生之年餘下日子生活片段, 去陪伴年幼女兒成長路程!
最近再從互聯網睇到真人真事, 一個年輕妻子患癌, 佢老公就利用相片留住佢生命最後片段.
相片, 從來都可以將記憶帶番去當年!
那怕係無聊, 但有一日我睇住呢D相片, 我會記得每個片段; 記起那年那月, 我又巴巴閉閉做大project, 當年呢幾隻豬係點, 合作抑或吵吵鬧鬧又打交, 每個片段都值得紀念:)
今年都仍然佈景分開兩段, 上星期日無出去, 工人姐姐又放假唔會擾亂, 最好留喺屋企做第一段大工程; 我一個人身兼數職, 簡單佈置好場境, 就開始又跳又叫吸引3隻豬視線, 真係消耗energy唔少😉
3隻豬仔算合作,曾經擔心波波會同豆b又打交, 唔可以坐埋一齊影大合照, 但波波近日心情好轉, 最後都無驚無險!
琴日做第二段, 每年都會做南瓜盅比佢哋食, 算係應下節; 不過今年我無訂購外面嘅萬聖節餅食比佢哋, 反以買咗比自己, 一齊應節嘛 😊
有食物我無放佢哋一齊影大合照, 唔敢挑戰佢哋嘅底線, 始終驚佢哋會因爭食又打交, 唔想破壞近期嘅和諧, 一旦開打又情緒破壞, 有排攪喇!
今年又成功咁影咗呢輯萬聖節相, 又做咗一件令自己開心嘅無聊事件, 哈哈 😄
