 |
| 表情輕鬆番喇 |
捱到早上8點, 係佢哋早餐時間, 我嘗試放波波入圍欄; 將食物放喺波波面前, 佢慢慢放低隻腳仔喇, 雖然感覺佢未敢用力, 但好過之前好多啦, 食完早餐仲可以慢慢行, 我個心定好多喇!
有同Dr.Hsiang報告呢件事, 想聽聽佢意見, 不過佢話答唔到我, 好難憑空想像, 唔知係唔係抽筋, 又或者係patella luxation, 又唔知係唔係神經痛, 佢叫我觀察一吓佢嘅腳會唔會放低番!
食完早餐我再按摩佢脚眼, 今次無再叫喇, 放佢上我床都係縮起隻腳, 可能床褥令佢用力難, 咁我將佢困入圍欄 ，有地墊唔會滑, 應該唔會傷到佢啦！
一路落嚟越來越好, 食晚餐時正常番喇！
經過今次, 會準備D止痛藥, 以備不時之需啦, 聽到佢嘅尖叫聲真係嚇破膽 :(亦要物識另類狗籠比佢哋, 買番相同大細應該OK啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
