護理口腔同眼仔 - Eye Restore Drops, AromaDog Yummy Gum

呢兩隻比對twins用, 達達我攪唔掂啦!

又試新嘢,今次係護理口腔同眼仔嘅用品!
先講呢隻眼仔修復液, 係天然嘅魚肝油, 豆b同波b都好多眼淚, 又會卒吓眼仔咁, 我想試吓呢隻天然產品; 成份係Norwegian Cod Liver Oil, 從來都唔知魚肝油可以滴落眼, 哈哈!

Dr. Carol Eye Restore Drops
眼睛修復可以天然地幫助狗狗和貓貓減輕眼紅，眼乾燥，眼 刺激，眼癢，過敏性含淚水，流淚.

眼睛修復有效減輕眼睛流淚，結膜炎，眼睛分泌物，眼睛乾 澀，並補充水分，恢復正常眼睛健康

眼睛修復可以有效的幫助狗狗常見眼睛問題，包括幹眼，櫻桃眼眼.

眼睛修復可以有效的減輕貓貓常見眼睛問題，包括病毒（皰疹）的眼部問題.


跟住就試呢隻天然口腔護理產品, 配合之前買嘅指套用, 因為係水劑, 好perfect啦!  
佢哋一直都唔比我用牙刷, 連手指包住紗布都唔得㗎, 之前我只係直接將牙膏唧落手指, 快快卒吓, 但求牙膏入咗佢哋個口就算啦!

 AromaDog Yummy Gum

獸醫推薦：全天然的口腔衛生處理

- 不只是一種全天然的口氣清新劑也能處理口腔衛生, 口臭, 牙周病.
- 純露，結合薄荷和蠟菊, 加 上消炎 (百里香linelol) 和抗菌(綠花白千層)提供一個有效的和自然的口腔衛生治 療.
 
- 配有一個海綿刷, 海綿刷會浮出.  非常容易使用
- 是一個很好的方式以確保你的狗口腔得到一個有效的和自然 的口腔治療，以幫助確保健康的牙齦

好奇怪佢哋又唔太抗拒個指套,  都可以用吓, 不過都係唔比掂門牙; 呢樽口氣清新劑有個海棉牙刷, 我無諗過對佢哋有用, 對於佢哋來講, 好大個啊; 今日突然想試吓用嚟清潔門牙, 放入口唔得嗟, 刷門牙都可以試吓卦！

竟然比我成功咁來回刷咗幾次, 真係意想不到啦; 今後就用不同工具配合, 指套, 海棉牙刷, 棉花棒等等, 務求不同位置配合不同用具,只要佢哋肯比我攪, 我就勤力D做啦; 雖然現階段大家都做得唔好, 但希望會越嚟越合拍, 無論點講, 做總比唔做優勝啦!

我相信每個主人都知道同狗狗刷牙好重要, 希望可以逃過麻醉洗牙呢一關, 麻醉真係好高風險, 怕對麻醉藥敏感, 怕血壓驟降, 怕插喉刺穿氣道, 每一樣都存在致命風險啦; 雖然呢種種意外並唔常見, 但風險仍然存在, 如果可以唔洗牙, 真係少咗好多擔心啊!

上次波波洗牙, 幸運過關, 我希望唔使再有第二次喇, 豆b牙仔都算OK啦, 唔係白雪雪, 但都無牙石口氣, 如果keep得好, 應該都唔使去洗牙!
呢兩隻豬雖然都唔鍾意刷牙, 每次同佢哋清潔牙齒都左閃右避, 但都叫做抹到吓!
 
最近朋友M嘅狗狗牙肉發炎, 佢又唔想狗狗麻醉, 更唔想剝咗隻牙, 所以用盡辦法, 試咗好多產品去同狗狗清潔發炎嘅牙肉, 依家已經有好轉, 無晒膿喇！
好欣賞M為狗狗嘅付出, 每日用好多時間去幫狗狗清潔口腔, 得到預期嘅效果, 狗狗好幸運有咁嘅主人, 但我覺得M更幸運啊！ 

都要狗狗合作肯比你清潔先得嘛, 佢嘅狗狗真係好乖好聽話, 對twins我都勉強可以做到少少, 但達達.......我掂吓都唔得啦 :(
達達係難逃洗牙呢個辦法喇, 佢有牙石, 我怕有細菌上腦入心臟; 明知要做, 但我都係拖住, 我真係好擔心好擔心呢個洗牙嘅過程會出事,  真係好驚, 好驚呀! 

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！

聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。  望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！