 |
| 外面冷空氣同室內溫暖對比好大, 個窗濕晒 |
天氣忽冷忽熱, 今日好凍, 老公同工人姐姐排住隊搵醫生, 攪到我都好擔心, 呢排自己咁忙, 抵抗力打咗折扣, 又比感冒菌包圍, 千祈唔好比病菌攻陷!
人就病咗兩個, 豬仔都似乎有D唔正常, 今早未夠五點, 豆b又好不安咁兩頭走, 佢呼吸有D咯咯聲咁啦; 天氣轉變氣管差嘅小朋友就最攞命, 發病首當其衝!
豆b走來走去兩頭騰, 連波波都一樣, 行唔安坐唔落, 咁樣我最驚; 即刻又出動枝chill -out, 但今次無作用, 見佢哋咁我成個醒晒!
見波波望住門口, 我跳落床打開房門, 睇佢有咩攪作, 原來隻豬仔要去厠所便便, 咁我就放心啦; 但豆b都仲係好急咁兩頭騰, 伴隨住好響嘅呼吸聲, 呢隻豬又攪咩花樣?
先要緩和咗令佢呼吸順暢先啦, 即刻準備比佢聞氣, 當我set好部機回頭望, 見到豆b都屙咗便便, 不過唔太正常, 有D軟同有D潺, 仲聽到佢肚仔咕咕聲, 佢咁不安可能係肚仔唔舒服喇!
同佢著咗衫又開住暖爐, 都涷親個肚? 條氣又咁唔順暢?
比佢聞氣大概10分鐘, 氣管再無咯咯聲喇, 比呢兩隻豬咁攪咗一輪, 望吓個鐘, 都差不多要幫佢哋蒸肉肉, 無得再瞓番 :(
達達一聽到我準備早餐就嘈晒, 佢雖然甩毛又脚震, 還好超級開胃, 都算精神, 希望現階段唔好嘅狀態快D過渡啦!
豆b呢個為食豬都忘記咗肚仔唔舒服喇, 附和住達達一齊嗌, 最怕嘈住鄰居, 七手八腳快快餵佢哋啦!
本應要比豆b腸胃休息應該禁食, 但見佢咁喉擒點有可能?
反正都要餵甲狀腺藥, 就少少比佢一匙羹啦!
達達好快就食完, 好乖靜晒; 豆b當然係唔夠, 但都叫做有過食物入口, 無再嘈; 反而波波唔太開胃, 又唔知邊度出事喇 :(
食咗早餐同3隻豬返入房, 好乖再瞓番, 我就4點幾比佢哋攪醒晒!
呢3隻豬真係一日到晚搵我嚟玩, 想再瞓一陣但又差不多要比藥達達, 都係算喇!
唉! 天寒地凍我好想鑽入被竇再瞓覺㗎!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
 |
| 波波達達都唔使著衫, 室溫夠暖喇 |
 |
| 豆B著住衫, 開住暖墊暖爐, 咁都凍親肚仔? |
