 |
| 相片連結 |
琴日天氣稍回暖, 見達達毛毛好亂, 先幫佢修整齊啦; 對twins未剪成個乞兒仔咁, 又長又亂!
近排凍咗咁耐都未洗過白白, 都需要沖涼喇, 但琴晚已經又凍番, 又冷又熱, 呢排天氣先生咁鍾意玩!
都係等天氣回暖, 對twins沖咗涼再剪啦, 過多幾日再算; 唔係冷病就慘, 都係唔好自找麻煩!
 |
| 呢位小姐好曳曳, 成日嘈嘈閉 |
見達達精神唔錯, 腳震又少咗, 我會間中打開佢圍欄嘅門, 等佢唔會覺得被孤立~
波波一見達達呢邊開咗門, 就一枝箭咁衝入去, 佢係好掛住達達, 遙距對望又點同近距離接觸吖 :)
達達近來真係好曳曳, 困一陣都嘈嘈閉, 打開門自己唔敢出嚟又吠吠吠 :(
比佢哋一齊玩咗一陣, 就抱上床瞓覺, 唔出街就瞓番多D, 都一樣可以減壓; 老實講我覺得波波唔出去情緒仲較穩定, 唔會同豆b打交, 仲可以一齊玩!
可能外面咁多狗狗比波波壓力仲大, 明顯係見到佢哋都鍾意去街, 但見到其他狗狗情況就唔同晒, 社會化太遲對波波呢種咁敏感嘅性格唔易攪, 可能佢咁緊張係天生啦!
達達情況都有需要調較, 等佢再穩定D會比佢落樓下慢慢學行, 咁耐無落地唔知會唔會又驚番, 甩毛期又開始, 都預計到情況唔會咁順利喇!
無緊要啦, 呢D都可以慢慢攪, 衹要係我可以控制範圍就無問題喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
