立春喇, 正式踏入馬年, 希望所有唔如意嘅事隨住舊年有咁遠走咁遠!!
琴晚同朋友A閒談, 都講及我太緊張3隻豬, 成日生活喺繃緊嘅狀態, 小心健康出事; 佢話我將為佢哋做嘅一切, 對等為做咗就可以保住佢哋無事, 一旦事與願違, 我就亂晒方寸喇; 佢話要嚟嘅始終要嚟, 做幾多都無得阻止, 只要盡心照顧就可以!
可能我真係太集中focus住3隻豬, 少少問題都令我憂慮, 基本上生活點會無小毛小病, 我咁緊張又點可以; 佢話上次豆b磨pat pat, 都覺得我擔心到死!
咁又係嘅其實呢D又唔會致命, 我真係無需要咁緊張啦!
今次達達椎間盤問題, 唔使講都做成我好大困擾, 我都感覺自己差不多每分每秒都望住佢; Mi都有叫我定D嚟, 最驚都係無咗條命嗟, 呢D壞到極咪最多做"妲己（癱記）"; 仲有咁多方法咁多時間幫佢, 真係唔使咁憂慮!
新嘅一年我要好好學習放下, 今日唔再每分每秒都focus住達達豬, 只要避免佢做D高危嘅動作就可以喇, 太緊張一定直接影響咗佢, 佢會以為自己好大件事!
要嚟嘅點都擋唔住, 由達達嘅脫毛症我都見証係咁啦, 我點預防都係改變唔到歷史 :(
今後希望可以做得到見到件事先諗解決辦法, 盡量唔好比未發生嘅事驚嚇自己 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
