 |
| 甩毛期一副楚楚可憐樣 |
煩完一樣又一樣, 呢個達達豬好難養!
達達一直都有公主病, 乜都無得商量, 對佢唔可以用強硬手段, 我怕咗佢嘅尖叫聲!
達達性格好敏感, 好細嘅聲嚮都會驚, 呢幾年嚟 , 用咗唔少方法同耐性, 一步一步去誘導佢, 從佢出街唔敢行, 到依家算克服到, 但又嚟其他問題 :(
開始幫佢建立信心行街街, 用咗幾年時間; 跟住又有脫毛症, 呢個症一D都唔簡單, 因為無正方正藥, 每一次發病用相同方法都未必可行, 永遠都係摸索; 呢個症幾年來去咗又番嚟, 令我情緒上上落落, 但還好練到我有無比耐力去對抗!
兩個多月前, 達達又再比我新挑戰, 竟然脊髓都有事, 椎間盤問題影響佢反射神經遲緩, 呢個病我真係好驚; 呢段時間又正值佢開始甩毛, 真係唔知顧得邊一樣 :(
由於呢個脊椎病, 醫生矚咐我千萬唔好比佢有大動作, 更家唔好比佢典上典落!
以前都可以幫佢剪下指甲用吓電磨, 雖然從來都無好順利咁一次過, 但分開幾日做都OK, 雖然唔係百分百完美, 但都可以接受; 依家呢, 連摸吓佢手腳都唔比, 眼見佢D指甲越嚟越長, 只有乾著急, 又驚太長去剪會流血, 唔剪行路都有影響啦, 煩!!
 |
| 毛毛咁亂要修吓喇 |
仲有一樣超擔心, 3隻豬都唔肯比我刷牙, 如果吓吓要麻醉洗牙點得呀? 好耐之前以已經諗辦法, 試過加牙石粉落餐, 一樣無效!
之前我買嘅spray滿懷希望可以有幫助, 我從無過高期望, 但都希望去到少少牙漬啦, 但兩個月落嚟, 已經用晒都唔覺有改進, 呢隻噴霧同我兩隻豬唔夾!
波波上次洗牙距離依家有一年多, 牙仔又黃啦, 呢一年來我都慢慢去氹佢哋, 波b同豆b都勉強做到少少喇, 依家我用牙縫刷都可以刷吓, 但當然成績唔會好好啦; 佢哋口仔咁細要刷牙真係好難, 唯有用指套加埋yummy gum卒吓:(
達達就更難攪, 連張開佢口望吓都難, 點辦?
呢個一直係我最憂慮嘅問題, 唔使講咁多年來無整理嘅牙仔一定好差啦, 但佢洗牙真係高風險嘛!
首先甲低就係免疫系統問題, 再嚟IVDD, 網上話有呢個病患麻醉好易出事㗎, 因為身體變軟姿勢稍有偏差, 會擠壓椎間盤物質溢出壓住神經線, 咁後果唔使講啦; 琴日朋友仲講我知佢狗狗麻醉後抽筋要急救, 真係嚇死我喇!
一直拖住唔想面對, 但唔洗???
就眼白白等佢情況變差?
最近A嘅狗狗有牙肉增生, 再將我嚇怕, 唔想面對都要面對啦; A帶狗狗見過4個醫生, 最後去睇外科專科, 話要狗狗做化驗, 又話CT scan又話biopsy, 當然要麻醉啦, 咁情況真係好擔心嘛!
我好怕達達有咁嘅一日, 我要點幫佢呀???
去洗牙難, 怕無事攪出事; 唔洗, 遲早出事啦, 萬一細菌上腦入心臟, 有牙齦腫瘤等等....越諗越怕, 唯有搵D相關嘅產品幫吓!
雖然話要學習放下, 事未到臨頭唔好將自己驚嚇, 但無可能等件事發生先去諗嘛, 要避免呢件事發生, 又苦苦搜尋方法!
我會試用以下兩隻產品, A都有幫佢狗狗用以下滴劑, 我睇過Healthy Pet Journal都有提及, 應該OK卦, 主要都係天然草藥, 安全D啦!
呢隻滴劑我可以用針筒滴上達達嘅牙肉, 唔使佢張口都得嘛！
http://www.healthypetjournal.com/default.aspx?tabid=25107
ANIMALS’ APAWTHECARY™ Fidodent
草本口腔消炎滴劑 1oz
有效醫治及對抗齒齦炎及其他因細菌形成的口腔問題, 貓狗合用。
成份：
-甘菊花(Chamomile Flower): 鎮靜, 抗痙攣, 抗炎
-百里香葉(Thyme Leaf): 抑制細菌, 幫助排出胃氣, 止血, 有效為口腔及牙肉殺菌
-茴香種子(Fennel Seed): 排氣和減輕消化不良, 抗痙攣, 抑制細菌
-北美黃蓮根(Goldenseal Root): 對抗細菌感染, 治支氣管炎, 抗疾病, 治鼻粘膜炎, 治肝病, 清洗血液
-沒藥樹膠(Myrrh Gum): 抗疾病, 止血, 袪風, 健胃, 舒緩口腔、喉嚨、牙齒及牙肉的痛症 -其他成份: 蔬菜甘油USP, 少於5%的Grain alcohol
草本口腔消炎滴劑 1oz
有效醫治及對抗齒齦炎及其他因細菌形成的口腔問題, 貓狗合用。
成份：
-甘菊花(Chamomile Flower): 鎮靜, 抗痙攣, 抗炎
-百里香葉(Thyme Leaf): 抑制細菌, 幫助排出胃氣, 止血, 有效為口腔及牙肉殺菌
-茴香種子(Fennel Seed): 排氣和減輕消化不良, 抗痙攣, 抑制細菌
-北美黃蓮根(Goldenseal Root): 對抗細菌感染, 治支氣管炎, 抗疾病, 治鼻粘膜炎, 治肝病, 清洗血液
-沒藥樹膠(Myrrh Gum): 抗疾病, 止血, 袪風, 健胃, 舒緩口腔、喉嚨、牙齒及牙肉的痛症 -其他成份: 蔬菜甘油USP, 少於5%的Grain alcohol
另外會用埋隻免疫香薰, 加落水比佢哋飲, 呢隻產品成份係膠體銀!
膠體銀係一種天然殺菌劑, 喺另類醫學中屬一種好好嘅免疫系統增強劑; 能達到比抗生素更好嘅殺菌抗病效果; 可以作為一項強效嘅衛生防護措施, 令健康改善; 當然咁唔可以去除牙石, 但希望盡可能保住口腔健康, 我都只可以咁喇!
希望以上兩種產品都可以幫到吓啦, 當然用量同頻密度就因應個別狗狗需要喇, 我希望各家長用每一樣產品都先做吓功課, 睇多D資料先就較安全啦!
我自己會跟產品指引做個指標, 唔一定跟足㗎, 因為狗狗太細身, 好驚用量over, 所以一般我都會減低份量!
不過達達都係要完成順勢治療先開始,都係比對twins打頭陣!
好羨慕有狗狗可以去美容院免麻醉清潔牙齒, 但我3隻豬中兩隻都脊髓有事, 唔敢搏喇, 萬一奮力反抗掙扎受傷我真係死得; 而且佢哋咁緊張, 唔想佢哋情緒更加惡化!
湊呢3隻豬真係日日都有新嘢學習, 點會得閒!
希望以上兩種產品都可以幫到吓啦, 當然用量同頻密度就因應個別狗狗需要喇, 我希望各家長用每一樣產品都先做吓功課, 睇多D資料先就較安全啦!
我自己會跟產品指引做個指標, 唔一定跟足㗎, 因為狗狗太細身, 好驚用量over, 所以一般我都會減低份量!
不過達達都係要完成順勢治療先開始,都係比對twins打頭陣!
湊呢3隻豬真係日日都有新嘢學習, 點會得閒!
AromaDog Lickity Spritzer -
狗狗貓貓香薰治療 免疫香薰 (2oz) 獸醫推薦： 全天擊倒細菌，真菌和病毒- 膠體銀和梅麗莎純露混合
- 這超級強成分組合能一起擊倒感染細菌，真菌和病毒.
- 還可以刺激他們的免疫系統和情緒平靜.
- 能淨化你的寵物水，令水變成一個乾淨健康水好來源
- 適宜: 多個寵物的家庭包括狗和貓Lickity Spritzer
什麼是膠體銀？以下係網上搵到嘅資料:
| http://www.gooddogfoodcompany.com/archives/127-the-benefits-of-colloidal-silver | |
http://www.superiorproductstrading.com/chiB5_index.php?page=whatIsColloidalSilver |
|
| http://www.iiim.com.hk/PD01.htm | |
   多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！ | |
