自從確診達達脊髓有病患, 連帶加重咗佢個公主病, 變得好曳!
可能我樣樣都就住就住怕整親佢, 佢有咗道殺手柬 :(
2008年達達正式加入我家, 當時未夠兩歲; 因為之前佢習慣困籠, 個籠比佢最大安全感, 所以我都有比番個籠佢, 但就限於瞓覺!
困喺籠入面佢係瞓得較熟, 而波波都一樣, 2006年3個月大抱佢番嚟, 瞓覺都係困籠!
直到今次達達椎間盤出事, 我怕波波會擠壓到達達, 又怕佢哋如以往一樣激烈咁玩, 所以要將佢哋隔離; 波波開始上大床同我一齊瞓, 個籠就只留低達達!
本來都相安無事, 由於感覺隔開兩隻豬好慘, 日間喺我監察下, 我都會抱埋達達豬上去, 咁佢哋就好安心咁喺大床一齊瞓覺!
呢個就係禍怏, 達達開始習慣上大床瞓覺, 依家晚晚放佢落籠都呱呱叫要上嚟, 唔睬佢就成晚吖、吖、吖咁叫, 個個都唔使瞓啦; 呢隻豬唔達到目的就誓不罷休㗎 :(
依家每晚我要左擁右抱, 又怕老公將佢哋壓到, 我點會瞓得好吖?
都係豆b乖, 比較安份, 或者佢以前從來無試過上床瞓, 比佢上床佢都唔慣; 番嚟我度3年幾, 都係乖乖自己瞓床仔, 佢一直自由慣, 所以唔使困籠永無麻煩!
 |
| 達達依家唯一乖咗嘅，就係肯自動飲湯唔使餵 |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
