朋友約我出去新春茶敘, 但我都係婉拒 :(
開始幫達達用順勢治療, 就預咗療程中要將全部時間貢獻, 朋友話真係諗唔到我咁癲, 為隻狗將社交斷絕!
我答佢呢個療程只需時4週, 有好轉會再作打算, 又唔係從今以後都係咁, 唔通我唔可以為佢作少少奉獻?
無養過動物朋友真係好難體會我有呢種心態, 甚至我自稱為3隻豬媽媽, 佢都會話我黐線 :(
今日3隻豬仔午睡, 工人姐姐又唔屋企, 我可以靜靜坐低思考, 我係咪真係好有問題！
我養狗狗, 係因為佢需要我愛, 還是係我根本係愛佢?
每次我出外番屋企, 第一個出嚟開開心心迎接我, 唔係任何人, 係呢3隻豬!
有邊個會為我出去一陣, 就一直喺門口等住? 見到我番嚟, 會開心到"跳起"?
有人講過:「只要我哋覺得自己係被需要, 我哋先會有生存意義.」
每次出外諗起佢哋, 我都歸心似箭, 被需要嘅感覺真係好甜!
每種事物都有兩面, 有人覺得係犧牲, 有人覺得心甘情願!
動物確實令到呢個世界增添好多生趣, 我諗應該唔會有太多人反對, 即使係無養動物人, 都會比一D可愛動物逗得哈哈大笑, 當然除虐待動物嗰D另類啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
