 |
| 相片連結 |
達達真係麻煩, 困咗籠一段短時間, 再加上圍欄縮窄, 佢又唔敢正常咁行 :(
近日見佢身體有D改善, 再無腳震震喇, 就打開圍欄嘅門, 等佢可以出嚟地氈度行吓, 唔使成日困啦, 但呢隻豬竟然無晒信心!
佢祇敢將前脚踏出, 又去番好耐之前嘅狀態, 我辛辛苦苦建立嘅一切, 就比今次嘅椎間盤事件破壞晒, 功虧一匱 :'(
呢D信心問題真係無計, 唯有又從頭慢慢嚟 , 等佢完成埋第二個順勢療程, 再比番D花精幫吓佢啦!
琴晚唔再將圍欄分隔, 等佢活動範圍擴大, 比波波入去陪住佢, 希望佢可以一步步咁修復信心啦; 呢隻女真係超敏感, 細膽到有異常"人" !
琴晚夜抱住達達, 老公坐喺我身邊, 突然同我講話覺得我好偉大, 為咗達達我做咗咁多突破; 以我係一個超級路盲, 咁勇敢帶住佢東奔西跑, 以前從來唔敢, 唔會做嘅, 都義無反顧咁去為達達做晒, 佢都感動啊; 佢同達達講一定要好番,有我哋咁愛鍚好幸福喇!
講真今次真係硬著頭皮, 要實實在在身體力行咁去打呢場仗, 所有勇氣都係被逼出嚟, 天知道今次我係有幾驚, 壓力幾大, 渡過咗幾多個無眠嘅夜晚!
一個人孤軍作戰真係好慘 😢
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
