轉眼間用優視草眼仔保養品有半年喇, 因為3隻豬唔係有好明顯視力差嘅問題, 如果要問我呢半年裡面, 3隻豬嘅眼仔有無好咗, 我真係好難比到確切嘅答案!
達達眼仔係完全無問題, 豆b就只係多眼淚, 要講最差要算係波波豬啦!
波波同豆b一樣都係眼淚好多, 唔知係咪同一胎嘅關係, 可能呢個係天生嘅問題!
波波除咗眼淚多, 佢仲會眼瞇瞇, 我第一次帶佢見獸醫睇眼仔, 佢只係兩歲咋; 當年獸醫有幫佢滴眼水, 用試紙貼入眼睛做測試, 話佢眼仔係無問題, 眼淚多就勤D抹, 瞇瞇眼就可能對光線較敏感, 唔算病變啦!
咁多年落嚟, 每次常規做body check, 我一定請醫生同佢檢查眼仔, 睇埋眼底同晶體, 都係話佢無問題; 上次甚至同佢驗埋眼壓, 一隻10一隻14係正常不過, 連晶體都無老化白內障跡象, 叫我無須緊張, 咁我就打消去睇專科嘅打算喇!
雖然係佢哋眼仔無問題, 但都係要保養喇, 踏上7,8歲都唔算年輕, 我一向做法都係補充品食上一段日子就換另一隻, 除非係有非常明顯嘅效果, 咁我就點都釘住唔放開啦!
今次會同佢哋試用Dr. Carol Complete Dog Eye Essentials, 睇吓又有無用, 即係會唔會幫到佢哋無咁多眼淚, 又會唔會減低波波嘅敏感, 無咁眼瞇瞇啦!
我仍然鍾意用草本, 鍾意天然無咁多副作用, 希望今次click中!
我相信每款補充品都有佢嘅作用, 所以我唔會話任何一樣係無效用, 同一樣產品用喺A嘅身上有好嘅效果, 在B嘅身上都唔一定相同; 但就要小心選擇睇清楚有無副作用, 幫唔到都唔係重點, 攪到其他身體出毛病咁就心痛!
Dr. Carol Complete Dog Eye Essentials
- 狗狗眼睛必要全面補充品
- 全天然
- 支持眼睛和視力
- 支持清楚和健康眼睛
- 促進清晰的視野和健康的眼睛，包括狗的眼角膜，視網膜和 晶狀體
- 支持健康的眼睛生長和復原
- 高質量的抗氧化劑支持狗狗身體針對視力的自然排毒。
成份
玉米黃素 6000mcg，葉黃素3500mcg（果，葉），越橘，藍莓（水果），小米草（天線），馬尾草（草），松（樹皮），小蘗（樹皮），銀杏（葉），硫辛酸， 葡萄籽提取物，KAIL Marich（種子），小球藻（全），胡蘿蔔（根），西蘭花（芽），蜂膠（樹脂），全發酵的菌絲體提取物猴頭Erinaceous的自願減排量，雲芝，靈 芝（靈芝IUC）。穩定化米糠，海洋珊瑚，蛋白酶，脂肪酶，澱粉酶，纖維素酶，蔗糖酶，乳糖酶
http://www.holistichorsecare.com/products/dr-carol-complete-dog-eye-essentials-60-capsules
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
