達達情況應該真係好咗, 並無騙人; 依家好少見佢脚震, 如果用呢個指標去評估佢有無進步, 應該係POSITIVE!
其他進步我未係好清楚, 但有無脚震就明顯望得到, 之前一企定就一定震騰騰; 有時係右脚震, 最差嘅時候係兩脚一齊震 :(
不過我感覺佢下盤力度都係唔太穩, 但無惡化仲有進步, 已經好感恩!
每日4次嘅順勢療程已經完結, 又踏入一個新階段, 以後減為每日兩次, 希望達達豬繼續進步啦!
睇落順勢治療對隻豬都有正面療效, 算係 “夾"啦!
既然有效, 就再用多隻藥睇佢毛毛會唔會生番, 不過達達呢個issue, 我抱嘅希望唔大, 我過去嘅經驗, 係佢嘅毛毛一定要去到好差嘅狀態, 先會慢慢生番; 從來生長毛髮呢家嘢, 即使係人類, 都唔係一件容易嘅事, 唔係使乜有織髮吖!
但順勢藥物安全, 試吓都無壞, click唔中對身體都無傷害, 如果好彩click中, 就一天光晒 :)
我希望繼Mi之後我會成為順勢療法嘅擁躉啦, 咁即係呢種療法適合達達!
呢幾日又凍番, 仲要10度以下, 點解今次凍咁耐架?
都唔敢同佢哋出去行, 老公病完又病, 咁容易凍親, 要保住3隻豬唔好冷病先得喇; 都係同佢地蓋好被被留喺屋企大覺瞓啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
