今日約A一齊去寵物展, 預早叫老公假, 要餵達達食藥, 仲要睇住3隻豬啦; 我極唔放心將3隻豬交托比呢個工人姐姐, 佢做都唔按章法, 唔知佢會出咩招數, 分分鐘嚇死我啦!
我甚至寧願屋企無人, 將佢困入圍欄仲感覺安全, 有姐姐度我仲心掛掛, 係就係緊張D, 但想出去行安心D, 要老公放假係唯一辦法, 唔想有意外害3隻豬啦!
滿懷希望去行呢個寵物展, 一向會展都比較多原化, 會好多新睇啦; 可能我已經習慣網上搜尋, 要買先做足功課, 再唔會倉促間決定買任何補充品, 所以行完一輪, 都無可買, 都係買咗幾包脫水魚同肉嘅零食比3隻豬仔啦!
不過今次朋友V開咗檔攤, 梗係要探吓班啦, 希望佢可以將佢代理嘅產品發揚光大, 等多D動物伴侶有天然成份嘅supplement用吓!
好開心認識咗呢個好朋友, 佢一路落嚟比咗我好多support, 好感恩!
透過狗狗, 我認識咗好多好多願意幫我嘅人, 一個個變咗老友; 可能大家都愛狗狗, 志同道合, 大家嘅寶貝有事都會感同身受, 願意分享各種有用嘅方法, 肯交心！
好似今日同我作伴行展覽嘅A, 相交都係緣於狗狗, 只有係狗友, 先會明白養狗狗嗰份心！
一句講晒, 我珍惜我呢班豬朋狗友, 我珍惜我哋嘅緣份！
 |
| 多謝A送比豬仔嘅吉詳物, 佢話最緊要平安 |
 |
| 大家咁話, 要平平安安, 身體健康啊！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
