 |
| 將圍欄間開, 波波要隔住圍欄陪達達喇 相片連結 |
一切回復正常, 過年嘅氣氛恢復平靜!
工人姐姐放完假, 好似好多嘢都忘記晒, 要從新調教; 我嘗試用另一個角度去睇件事, 新嘅一年開始, 就當佢係一個新工人, 一切從新開始, 我唔再激氣!
老實咁講句, 無咗姐姐的確係做得好攰, 即使佢係萬般唔妥, 但相比樣樣要自己嚟, 都係有一段距離; 所以工人真係令人又愛又恨, 就如雞肋, 食之無味棄之可惜啦!
一切恢復正常, 唔使自己打掃屋企, 又多番時間上網, 今次要好好睇一次有關IVDD嘅資訊, 吸收知識; 文中講及狗狗椎間盤問題, 如果係初期用保守治療, 要嚴格減少活動, 因為無論係因為過分劇烈運動、意外受傷或年老退化令椎間盤纖維破裂, 中間嘅軟組織突出壓迫神經線, 係需要嚴格困籠; 要有足夠時間等待傷口形成一個scar去保護, 而呢段時間再有大郁動, 不但難康復, 仲可能後果極嚴重啦!
之前我睇專科叫我困籠兩週, 可能覺得達達並唔嚴重, 但我又做針灸, 艾炙同場效應, 點解效果反覆?
文中講及慢性椎間盤問題, 須時一個月至一年先可以康復, 我諗係我無嚴格限制佢活動喇！
現階段我唔再諗康復呢個問題喇, 但求保住佢唔惡化就可以!
今次再睇呢篇資料, 係建議困籠8週少活動, 之前我困達達入圍欄內, 都係空間太大, 佢一見開餐會兩頭狂跑, 完全唔知咁會受傷啦; 今次再將圍欄縮細, 就算跑都地方有限, 希望會幫到達達啦!
呢個病好得人怕, 如果唔好好保護, 隨時會病發; 我只有盡力保護佢脊椎, 再詳細同工人姐姐解釋多次, 希望佢同我合作, 唔好因佢大意害死達達豬!
 |
| 正常係唔會困住對TWINS, 但姐姐開STEAM機清潔房間, 困住安全D喇！ |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
