 |
| 沖完涼D毛毛好鬆軟！ 相片連結 |
今日兩個女浸MILKY SPA, 豆b先做!
豆b皮脂腺係比較發達, 初嚟我度時我已經覺得佢D毛毛好油吓, 可能轉咗鮮食, 情況係有改善, 但比起波波同達達佢仍係屬油性皮膚; 今次仲谷出D脂肪腫塊, 呢個女D內分泌係有D問題喇!
本來做MILKY SPA, 我一個月先用一次shampoo都好足夠喇, 但豆b都係要用多一次啦!
仍然係用sore-no-more , 保証佢唔會敏感嘛, 而且都舒緩到佢條頸仔, 有唔舒服都幫到吓啦!
 |
| 真係白到好似牛奶 |
我先用微泡花灑同佢好徹底咁沖乾凈D毛毛, 確保無殘餘嘅洗毛液, 先放佢浸微泡浴; 但真係好奇怪, 開始都係正常狀態, 但就越浸越白, 每次見到D水變到奶咁白, 都係豆b浸浴, 我甚至試吓放清D水再開始, 都係一樣啦!
好自然諗起幾日前同代理嘅談話, 嗰日我搵佢裝個濾水器; 本來我聽過就算, 因為都係一般普通傾偈啦!
佢話早前一家大細去咗迪迪尼, 當然有好多超高科技啦, 當日佢哋番屋企後, 突然諗起部MILKY SPA!
 |
| 代理sent比我嘅相,D水好白! |
諗住試浸吓D衫, 想睇睇有無黐咗D化學嘢番嚟, 結果係匪夷所思啦; 佢強調無落任何清潔劑, 但結果佢比咗張相我睇, 係白到離奇!
今日我叫佢sent咗張相比我, 大家可以睇睇, 真係好奇怪!
呢部MILKY SPA究竟係咩原理? 可以做到咁嘅效果, 將D特別物質剔除?
 |
| 放清D水再重試, 又嚟喇! |
我唔會唔信, 世界上真係有好多解釋唔到嘅事實, 豆b嘅例子係我親身經歷, 唔通我唔信自己?
豆b浸浴都無加料, 每次都凈水去浸, 雖然唔係次次都咁白, 但最奇嘅係只有豆b先出現呢個特別效果, 波波同達達從未出現過呢個情況㗎, 最多係出到好似雲石紋咁, 點會係比咁濃嘅"牛奶"包圍住?!
今日我開始懷疑, 唔通豆b有D唔健康嘅分泌? 定係因為佢特別多油脂?
係咁我都同佢浸密D, 等佢移去D唔好嘅原素, 可以健康D喇!
 |
| D水真係無咁白, 相隔半小時咋！ |
 |
| 毛根黑色無晒! |
今日見到達達, 佢薄咗嘅毛毛仲未生番, 但無好似上次甩得咁慘; 毛質有改善, 再無羊毛化, 仲有係毛根嘅黑色素都漸漸退晒！
 |
| 絕對唔可以話佢D毛毛係差啦! |
達達會唔會今次可以跳過咗甩光毛毛呢一關? 毛毛就可以開始生厚番? 部MILKY SPA係咪有幫到? 仍有待時間做個見証喇!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
