 |
| 波波同豆b都瞓番喇, 達達仲碌大對眼！ |
今年天氣好似特別差, 落雨落咗好長時間, 唔落雨又熱又焗, 好似唔離得開個冷氣機啦, 3隻豬仔都好耐無落過街, 呢個都唔係重點, 唔去街佢哋可以自己喺屋企玩, 都OK無問題㗎, 最慘嘅係頻頻雷電交加, 響雷真係嚇死達達㗎!
 |
| 達達攪到對twins都無得瞓喇 |
今朝都未天光, 又響雷喇, 仲好長好大, 唔使講我同老公都唔使瞓啦, 雷聲一響我已經即刻彈起, 要即刻安撫達達嘛; 但狗狗感應好快, 好似雷聲響起嘅同時達達已經開似大嗌, 仲床仔兩頭亂跑, 係跑到橫衝直撞, 完全無視對twins㗎!
波波同豆b迫住左避右避無得瞓喇, 而我亦第一時間噴鎮靜香薰, 跟住餵花藥, 再開埋狗狗calming music, 然後抱埋佢上床同我一齊瞓啦, 好彩呢個應變措施達達受落, 無耐瞓番!
 |
| 達達處於戒備狀態 |
然後夠鐘餵早餐, 食完等佢哋去咗便便, 就放番3隻豬落床, 我都想再瞓一陣間, 點知雷聲又嚟喇; 還好今次無咁大聲, 我亦做好準備, 噴咗Chill-Out香薰喺房, 亦開住calming music for dog during thunderstorm, 仲用張舊床單冚住個圍欄, 等安全感大D啦; 今次達達反應有D進步, 無再兩頭走, 但仍在戒備狀態, 唔肯瞓覺, 波波豆b就瞓番! 希望咁壞嘅天氣唔好持續咁耐喇, 好麻煩!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
