 |
| 相片連結 |
繼續用簡單直接嘅方法幫達達, 都係用生理鹽水比佢聞氣, 怕D鼻水倒留入咗氣管, 刺激到氣管就煩, 一開始咗有咳, 要好番就要更長時間!
但我唔敢咁密用霧化器, 因為粒子細可以直達肺部, 用太密驚有反效果; 都唔敢用咁長時間, 一般5分鐘就ok; 其實狗狗好叻, 我見有時佢哋會俯身向前用個鼻仔對準個出氣位(我無用mask, 佢哋唔鍾意), 有時又會擰開塊面, 再擰番埋嚟, 佢哋好似識換氣㗎!
我用個咬嘴感覺好似安全D, 因為無咁集中, 佢哋可以選擇點透氣, 雖然咁會四方八面走咗D, 但無所謂啦, 有50%幫到就ok, 我成日都怕好心做壞事, 咁做純係自己安樂D!
 |
| 因為用熱蒸氣,怕燙親佢哋, 要入豬籠喇! |
除此之外我再用熱蒸氣, 一般熱蒸氣針對鼻仔問題會舒服D, 果然感覺係幾有用, 達達少咗打乞嗤; 但仍要繼續用順勢藥幫助, 希望快D無事!
原來日中嘅平常事, 當發生咗問題你先會知, 一切都係來得不易!
好似瞓覺咁簡單, 見到達達鼻塞時真係會反來覆去;
如果聽到豆b呼吸好大聲, 就知佢氣管有事, 都係會瞓得唔好!
見到3隻豬可以沉沉睡去, 已經係一件幸福嘅事, 有正常食慾, 可以正常瞓覺, 睇落最正常不過嘅事, 原來已經係一種恩賜!
呢條link有獸醫講解霧化器嘅好處, 氣管有問題嘅狗狗可以參考啦！
http://www.veterinarypartner.com/Content.plx?A=3471
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
