我一向都好容易醒, 平常無事都避唔過少少聲響, 好醒瞓; 依家個心仲掛住兩個女嘅病, 更加難瞓得深沉, 一路都keep住淺睡狀態!
一整晚都聽到達達係有鼻塞, 間中聽到呼吸聲好響, 好彩唔算頻密, 本來好想比佢再聞氣, 但又怕聞得太密, 太刺激仲傷, 我最後無騷擾佢瞓!
今朝早起身, 3隻豬如常巴巴閉閉催到我暈, 習慣咗呢個係早餐時間; 每逢佢哋健康出問題, 我就覺得呢D催促嘅聲音, 份外悅耳動聽, 係代表住佢哋仍有胃口, 情況唔太壞!
豆b琴日食咗兩次slippery elm, 便便已經正常番, 亦再無嘔喇, 保險D今日再食多一日, 就可以停藥喇; 真係慶幸搵到隻咁正嘅草本, 要再多謝Mi好介紹啦!
達達豬就情況差不多啦, 食咗順勢藥係有D幫助, 但好似藥力一過又猛打乞嗤喇; 有時見佢鼻塞影響咗呼吸, 條脷仔會轉色㗎 :(
呼吸道問題真係比較難攪, 我曾經有動搖過想比抗組織胺藥物, 但最後都放棄呢個選擇; 因為再上網搜尋, 發覺係弊多於利啦!
都係決定繼續用順勢藥, 再用鹽水稀釋佢鼻涕, 希望鼻塞有好轉啦, 除此之外再出動我嘅美容蒸面機, 噴出熱蒸氣, 等環境較濕潤, 佢會舒服D!
呢個做法係有幫助, 達達好似係舒服咗, 可以好好瞓覺, 而呼吸頻率都正常番!
希望一日比一日好啦, 我唔想去見醫生食埋咁多西藥啊, 希望可以用一D唔傷害身體免疫力嘅方法幫到佢啦!
 |
| 用熱蒸氣做環境管理 |
廣華醫院兒科顧問醫生吳國強表示, 建議用鹽水滴鼻減副作用
他認為，含第一代抗組織胺的傷風藥，其副作用的危險性遠高於其效用，建議1歲以下嬰兒有輕微流鼻水及咳嗽，不應該服用含有第一代抗組織胺的藥物，可改用鹽水滴鼻以稀釋鼻涕，避免嬰兒服藥後出現呼吸困難。他又呼籲私家醫生，不要隨便處方有關藥物。
香港醫院藥劑師學會藥物教育資源中心教育總監崔俊明表示，含第一代抗組織胺的傷風藥較便宜，服藥後有睡意，由於兒童的新陳代謝系統發展未完善，藥物逗留在身體的時間較長，容易入腦，影響中樞神經，不建議1歲以下的嬰兒服用有關藥物。
http://www.mingpaohealth.com/cfm/news3.cfm?File=20060126/news/gsz4.txt
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
