達達進步比較明顯, 行得唔錯喇, 至於毛毛都算有改進啦; 不過按過往嘅例子, 仍未到最差嘅時限, 一般到2, 3月會最差, 所以目前嘅進步唔可以作準, 唔需要太早開心喇!
但我好開心佢依家行得幾好, 呢個改善就真係值得我開心啦, 有一段日子達達都無跑隧道, 今日見到佢跑得好快 :)
仲主動去水兜飲水, 正常到奇怪!
今日同佢做微泡浴, 上星期見佢流鼻水同鼻塞, 都唔敢浸水喇, 見佢都回復正常番, 今日做浸浴啦, 等佢血液循環好D, 無壞!
達達今晚可以停順勢藥喇, 今次用順勢療法成功幫到達達, 我真係好感恩啊!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
