 |
前晚半夜就聽到達達猛打乞嗤, 兼且呼吸好似唔順氣, 有D鼻塞嘅聲; 我即刻諗會唔會係因為個冷氣?
近來真係無一日離得開個空調, 會唔會佢哋唔適應? 雖然我有用床單遮擋, 蓋住佢哋瞓覺嘅地方, 但整體室溫都係清涼, 會唔會凍親佢哋?
.jpg) |
| 達達聞氣都好合作, 無兩頭擰, 好乖乖! |
其實我瞓覺調到冷氣26C, 照道理好OK, 不過每人體質有異, 無絕對, 所以立刻同達豬著番件衫仔!
琴日起身見到佢有鼻水, 都仲係呼吸有問題, 即刻開機用生理鹽水比佢聞氣, 跟住比佢食順勢藥; 呢隻藥係A比我做後備, 我即管一試!
琴日食咗3次藥加上聞咗2次氣, 今日覺得佢好咗D, 咁繼續循住呢個方向去做, 今日一早就比佢聞氣, 食順勢藥, 比佢休息多D!
再嚟就係豆b, 屋企多於一隻狗狗就有呢個難處!
琴晚夜見到地上有嘔吐物, 但係邊隻豬出事就不得而知, 佢哋精神唔覺有異狀, 咁我都只好觀察住喇.
今朝早餵早餐, 3隻豬胃口正常, 但食完午餐, 見到豆b嘔喇, 今次確定係豆b啦; 之後見佢便便都唔太正常, 雖然唔算軟便, 但從嘔肚物加上便便, 都見到食物唔消化, 全都混住食物殘渣; 應該係豆b腸胃出問題, 即刻餵佢食slippery elm , 希望幫到佢啦!
希望豆b純係腸胃消化不良啦, 咁嘅病徵又再令我有疑慮, 我怕真係有胰臟炎嘛!
 |
| 夠鐘都無得食好慘! |
還好兩隻豬精神都OK, 都仲有胃口(不過豆b要禁食喇) , 希望快快有好轉啦; 唔係唔想帶佢哋見醫生, 但唔想太盲目全信晒獸醫嘅判斷, 自己都要做吓功課; 畢竟24小時對住佢哋嘅係我, 我當然係最清楚狀況嗰個啦; 先觀察住, 再有唔妥先搵醫生啦, 好彩我睇嘅獸醫係有愛心嘅!
今日唔敢開冷氣, 開大個窗再開兩把風扇吹住, 只係帶動吓流通空氣, 都唔敢直吹向佢哋喇!
我就熱到死啦, 尤其處於焦慮狀態, 唔出汗就奇 :(
有時一件簡單嘅事自己會將佢複雜化, 自己嚇自己驚一大餐, 但總好過有事都當無事辦, 錯過治療嘅關鍵時間!
我呢D性格就注定係辛苦啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
