 |
| 相片連結 |
達達好番晒喇, 保險D再食多兩日藥, 但將次數減半啦; 感恩達達算係同順勢藥 "夾", 好多症狀都有效(都唔知係應該開心定傷心, 又椎間盤問題, 情緒病, 打針腫塊; 今次嘅打乞嚏流鼻水,牙肉痛等等😞), 咁唔使常食西藥咁慘, 無咁多chemical無咁傷身啦!
狗狗反應好直接, 身體唔舒服心情就差, 前幾日波波望吓佢都鬧, 今日就一齊又玩摔角喇; 雖然都驚又整傷腰仔, 但唔想阻止佢哋喇, 波波呢幾日都好唔開心, 達達唔睬佢嘛！
最多我坐定監察, 玩得太癲就stopped佢哋啦！
今日達達食嘢又好過琴日, 每日都有進步啦, 見佢恢復呱呱叫等開餐, 又無好似之前咁食剩晒, 我開心到死啦!
從無覺得佢嘅食相咁可愛, 快D拎個相機博命影啦 😁😄
今日再向Mi取經, 睇吓要再入D咩藥做後備, 一般小毛病試吓自己攪, 今次達達嘅例子比我好大成功感, 對順勢藥更有信心喇!
當然, 有大問題仍要見獸醫, 尋求專業意見係正路, 我唔敢拎佢哋命仔較非㗎; 我希望不久嘅將來有正識嘅順勢醫生喺香港開業, 畢竟順勢療法都有好耐歷史, 外國都有順勢寵物醫生, 點解香港無㗎?
十年前要搵個正識寵物中醫都難, 叻叻當日要睇無牌中醫咋, 今日已經好多寵物中醫用中藥, 甚至針灸都係平常事喇!
希望唔需要等好耐, 都可以比到主人多個選擇, 可以有正統醫生, 指導我哋用另類療法去幫我哋嘅毛小孩！
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
