達達打乞嚏問題, 我比佢食有關sneezing嘅順勢藥, 情況改善緩慢, 出動晒熱蒸氣同霧化機, 雖然都有D好轉, 但鼻塞都係無乜大改變!
早兩日已經上順勢藥網搵料, 建議加多隻藥添, 呢隻藥一早已經買咗, 之前用作幫忙處理牙石問題, 主要用途係將身體唔好嘅嘢排出嚟!
上次打瘋狗針出現腫塊都有用過, 消除腫塊用咗真係好掂; 見佢鼻仔問題未有好轉, 就即刻比佢食埋呢隻藥先!
食咗係明顯有改善, 乞嚏減少, 鼻塞都唔見喇, 睡眠質素已經好轉, 但胃口就麻麻, 見佢食一陣就行開添; 達達對3餐好緊張, 點解有咁嘅改變? 我好驚!
唯一安慰係佢精神仲幾好, 仲會嘈嘈閉!
開始坐定定諗諗呢隻豬嘅轉變, 搵出原因係好重要!
之前我懷疑佢係冷氣入侵令佢流鼻水, 但突然諗到個重點!
幾日前達達甩咗隻大牙!!!
當時我無為意, 佢牙仔一向都差, 我仲笑話甩咗就唔使再擔心細菌上腦喇, 一路以來我都擔心佢呢方面啦; 但好端端又點會甩咗隻牙? 應該係有牙齦炎令到牙仔鬆脫啦!
宜家諗番起, 好彩隻牙仔牙脚好靚, 唔係一隻柱牙咋, 唔係又有排驚細菌感染喇!
鼻仔嘅病狀誘因顯而易見, 佢應該有牙肉發炎, 唔怪得我比佢食埋另一隻藥咁快有改善; 但呢隻豬我無辦法張開佢口檢查, 掂吓佢口唇邊佢都發癲😖
咁就解釋到達達點解會行埋佢兜肉肉, 但食一陣就閃, 佢應該係牙肉痛!
有咗原因就好做, 還好我都算有少少呢方面嘅順勢藥, 即刻改變方向去治療!
今朝早加咗隻pain eze比佢, 45分鐘後餵早餐, 佢恢復狼吞虎噎 :)
人真係好奇怪, 一件相同嘅事都會令你睇法改變, 明明唔想佢哋食嘢咁狼忙, 但今朝見到達達咁食法, 我不自覺咁微笑!
依家明白點解Mi有咁多款藥, 我都要惡補呢方面嘅知識先; 如果順勢藥可以幫到, 我會避免用西藥, 起碼唔會有副作用做成身體太大負擔先啦!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
