 |
| 相片連結 |
今日波波同達達浸微泡, 即係每星期我都要服侍我嘅皇帝豬浸浴, 雖然話無之前咁辛苦, 但如果3隻一齊做, 都係好苦惱; 由浸浴到吹乾毛毛, 有時再修吓毛, 都要花好耐時間, 又唔想草草了事, 做到吃力不討好, 所以決定每星期比兩隻豬做！
達達必定要每星期做浸浴, 尤其見佢毛毛好似開始復甦, 點敢偷懶 :)
幸好3隻豬都enjoyed浸浴, 就少咗好多麻煩, 只要放咗佢哋落浴筒, 我坐喺度陪住, 都有半小時休息時間!
今日浸浴後同達達少少修咗一吓毛毛, 只係剪咗較參差嗰部份, 等望落整齊D咋, 真係好怕攪佢D毛毛啦 :)
達達做完, 今日應該到波波, 上星期達達配咗豆b嘛, 不過又夠鐘食午餐, 又要等時間!
想快快手一次過做好係好難, 成日要中場休息好麻煩, 依家屋企得一個浴室無以前咁方便喇, 放咗部機入去又唔想從新攪一餐, 就係煩!
波波浸浴好乖, 好自覺坐低享受, 其實每次都係最辛苦吹毛呢部份, 無一隻豬肯合作啦; 咁都係嘅, 比D風咁吹住點會舒服吖, 無解決辦法 :(
每次沖涼日都好似無晒時間, 波波浸完浴又夠鐘食晚餐, 跟住3隻豬齊齊玩一陣間, 又係做艾炙嘅時間; 依家我每日只做一種物理治療算喇, 大家都輕鬆D啦!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
