近日天氣炎熱，好多狗主人都見到狗狗有層厚厚嘅毛而覺得佢哋好熱而幫佢哋剷毛，等佢哋可以涼快一啲~ 其實，咁樣做係咪可以幫到佢哋呢?!
咁等我哋先了解一下狗狗嘅生理結構~
書本、上網等資料都可以搵到，狗狗嘅汗腺多數分佈係腳掌上；另外，狗狗伸晒脷喘氣，係通過蒸發脷同肺部嘅水氣來降溫；狗狗亦可以通過擴張耳仔同面部嘅毛細血管來散熱。所以，狗狗散熱主要唔係靠皮膚嘅。
咁樣，狗狗嘅披毛又有咩作用呢? 我哋可以幻想狗狗嘅披毛係一個絕緣體，保留一層空氣，唔好比外界傷害到身體，可以阻擋冷、熱、紫外線、污穢、防水等~所以如果係咁熱同陽光猛烈嘅情況低 下，剷短狗狗嘅毛…… 只會阻擋唔到紫外線而曬傷皮膚，重更加熱添……但係咪剷毛對狗狗散熱冇幫助呢? 都不一定嘅~ 如果狗狗嘅體溫過高嘅時候，而環境溫度適中，層厚嘅披毛就會成為降溫嘅障礙。
勤梳毛底層無廢毛，既可以阻擋紫外線，又可以透風~比起剷毛令到空氣從皮膚上溜走而又阻擋不了紫外線……兩者，你識得選擇呢~~
網上有幅好好嘅圖比大家參考~
有效去迎接夏日而又唔好做熱狗，記得勤梳毛、喺太熱嘅時間就唔好帶狗散步同做劇烈運動、重有要比狗狗飲足夠嘅水~~~咁就玩得安全又放心啦~~~~
原文連結:https://www.facebook.com/PawsHugger/photos/a.515693555156908.1073741826.509580105768253/713176652075263/?type=1&theater
