 |
| 相片連結 |
又約咗A聽日去寵物展, V今日去咗, 話無咩特別, 我都應該無咩要買, 都係當行吓街; 每年都去行, 越嚟越少嘢買 :p
聽日係端午節, 早前已經出去食咗過節飯, 依家多數都唔會選正日出外晚飯, 因為好多時都會有限定菜式, 選擇有限, 有時真係好難揀!
因為聽日要出去, 3隻豬都早一日食過節餐 :)
今年包咗兩款粽比佢哋, 米就用咗珍珠咪加小米, 肉就用牛肉拼紅豆, 同埋杞子加鱷魚肉; 今日開比佢哋食, 3隻豬都好捧場, 好快清晒, 見佢哋食得咁開心, 我就滿足喇!
雖然係要預早做準備功夫, 但只要佢哋鍾意, 明年繼續包 :)
當然例行要影過節相, 如果要3個坐埋一齊, 要好配合佢哋情緒, 我唔想攪咁耐; 波波未算完全康復, 唔想用時間咁長, 快手影幾張啦!
分開影真係easy job, 毫無壓力好快攪掂, 正 !!
當然唔係咩靚相, 我只係習慣做相片記錄, 又唔係professional, 自己接受就好喇 :)
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
