將波波困籠, 仲要獨自留房中, 除咗餵藥同做物理治療, 我會入去陪伴佢之外, 我要確保佢安安靜靜咁休息唔激動!
琴日見佢精神麻麻, 可能佢真係好痛, 最令我擔心係見佢脷仔嘅顏色都變埋, 應該係頸痛影響咗佢血液循環, 真係心痛!
 |
| 無晒心機 |
今日開始用另一個組合嘅順勢療劑, 勤力咁做物理治療, 配合埋困籠, 希望有好嘅改動!
照紅外線燈, 場效應治療, 當然照射iWand Plus 唔會少; 睇過iWand嘅說明,有咁嘅介紹:
iWand Plus 是一個高效能便攜式針灸儀器， 以非侵入性方式於無肌膚接觸的情況下改善身體微循環，促進新陳代謝， 從而加強整體的健康。
「質子振動有序場」以特定紅光為載體導入人體，改善真皮層及皮下組織細胞的微循環。
iWand Plus更可加速傷口癒合，有效緩解各種痛症並促進皮膚對護膚品的吸收。
． 結合「質子能量技術」，產生有效及穩定的「質子振動有序場」，從而達到保健作用和護膚效果
． 採用特定紅光作為「質子能量技術」的載體（非紅外線或激光）
． 便攜式設計方便您隨時隨地進行保健護理
． 隨包裝附送的電池可運行長達 500 個小時以上
效用:
． 有效緩解痛症
． 促進乳霜或藥膏的吸收
． 改善微循環 促進新陳代謝
既然iWand可以幫助促進藥膏嘅吸收, 咁照射前我再幫佢敷上sore no more gelotion, 加多樣幫助緩解佢頸痛!
 |
| 個頭仔可以向左轉, 向右轉! |
Mi好有心, 中午問我波波今日狀況點, 但我比唔到答案, 從琴日開始困籠我無比佢活動, 睇唔清楚有無改善, 應該有都唔明顯啦, 因為我無咁嘅感覺; 不過肯定嘅係無好都無變壞, 佢一直乖乖瞓覺無再嗌!
 |
| 靜靜偷影 :) |
困籠其間定時放佢大小解, 呢個仔呢樣真係好乖, 無胡亂尿尿整到個籠污糟晒; 今晚放佢尿尿, 就見到改變好大, 佢可以轉圈轉到好快(雖然我係唔想佢動作咁激啦)!
有改善就幾攰我都要繼續捱, 呢個鼓舞實在太大 :)
今次用呢組藥可能真係click中, 再加上困籠, 仲有勤做物理治療, 所以幫到個成功機率提高!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
