 |
| 相片連結 |
有幾日無updated個blog喇, 生活如常無咩特別, 最感恩係3隻豬都OK; 波波困籠休息都有好一段日子, 一直有做無針針灸同步順勢治療, 見佢係有進步好咗D; 開始減順勢療劑嘅次數, 可以放出嚟行多D喇!
雖然呢幾日天氣都唔好, 又大風又大雨, 但只要3隻豬安好無事, 天氣幾壞都唔會壞我心情 :)
天氣咁熱, 同3隻豬仔留喺屋企涼住冷氣, 再做物理治療, 阿女送咗個雪豆枕比佢哋; 呢個本來係人用頸枕, 但size比佢哋做治療用好OK!
以前達達去做針灸時, 都係用雪豆枕, 我有同阿女提及, 咁耐我已經忘記, 佢突然拎比我, 話比3隻豬, 原來佢仲記住 :)
 |
| 雪豆枕軟綿綿 |
早幾日同A去行寵物展, 無咩特別, 今年會場較細, 行多咗兩圈, 都係買咗少少零食就算!
但都唔係全無得著, 見到比老犬用嘅睡墊, A提起可以用太空棉; 我就記起我有個全新sinomax枕頭, 就拎番出嚟比3隻豬仔啦, 仲見到個岩鹽燈, 總算係見到有D嘢係新鮮啦!
 |
| sinomax枕頭都啱佢哋! |
岩鹽燈, 我係第一次見, 話會釋放出天然負離子, 有吸濕吸味效果添, 姑勿論成效如何, 但肯定對健康無損, 我就有興趣!
我有用同一地方出產嘅浴鹽, 每次浸milky spa都會落少少, 因為睇過介紹, 講話喜馬拉雅山嘅岩鹽含84種天然礦物質及微量元素, 簡單將岩鹽溶解於溫熱水中浸浴, 就可令皮膚有補濕效果, 促進血液循環; 除上述提及嘅好處外, 仲可以緩解壓力、減輕肌肉疲勞、改善整個身體嘅平衡, 對於痛症亦有非常好嘅舒緩作用, 呢D效果, 我嘅豬仔極需要 :)
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
