 |
| 上床做治療咋 |
波波已經食咗兩星期消炎同放鬆肌肉藥, D . Fan話食兩星期應該OK, 琴日我已經將藥停咗, 不過, 一停藥就覺好唔妥, 感覺佢行得梗梗, 個身又側晒, 究竟係咩事? 搵唔到原因我點去幫呀!
真係難選擇, 已經食咗成兩星期西藥, 再繼續食擔心會好似豆b咁生出腫塊, 唯有試吓轉用順勢療法加無針針炙, 依家情況唔太壞, 希望OK啦!
 |
| 照脚底! |
呢個仔特別難攪, 好多治療唔係做唔到就係唔夾, 用A方法將症狀抑制到, 又會出B狀況將我驚嚇; 但點都要面對啦, 盡力搵最好嘅方法, 希望唔太傷健康又幫到佢啦!
已經困籠兩週, 除咗便便比佢出嚟走動, 就係上床做治療先比佢離開個籠, 見佢坐監個樣咁慘, 我都肉痛; 但睇過咁多過來人分享, 搜尋過咁多網站, 都係強烈要求要困籠休息先會康復得快, 無其他更好辦法!
除此之外就係諗辦法比佢卸力行, 以前鋪一塊塊地氈純係為達達, 為咗個女細膽!
以前嘅達達真係細膽, 出街都唔敢行, 一放落地就坐低, 點氹都唔郁㗎, 依家出外已經克服心理障礙, 行得好好, 點解喺屋企反而唔敢行, 真係百思不得其解!
突然耳邊響起Dr. Tint嘅講話, 佢話達達係一隻聰明嘅狗狗, 佢自己會選擇, 點樣行脚仔受力唔大, 唔會痛痛啦; 可能依家唔係純情緒問題, 係mentally & physically都要攪攪!
係我無留心後知後覺, 只鋪地氈幫吓, 仲猛希望佢通屋行, 其實行地磚對已移位嘅關節應該傷害好大, 好彩佢無成日行咋!
波波同豆豆都有膝關節移位, 佢哋未痛唔識死啦, 仲通屋跑!
 |
| 只敢行到地氈盡頭, 下次鋪大D範圍比佢行! |
係我嘅責任係我錯, 真係一個大意媽媽, 我應該一早意識呢個問題, 會向呢方面諗嘛, but better late than never!
近日見網友為關節移位嘅狗狗鋪地墊, 突然醒悟, 我都要為3隻豬咁做, 鋪一個大D範圍比佢哋行; 滿鋪就無可能喇, 打理實在難, 已前養bebe係滿鋪地氈, 最後都要起番, 呢幾隻豬間歇都會亂尿尿, 尤其係豬豆, 一諗到又臭又藏細菌, 免喇!
今次會選拼駁嘅地墊, 物料一定要咄住腳仔唔跣先啱, 因為污糟咗可以逐塊拎出嚟清潔, 試吓咁得唔得啦!
為3隻豬鋪地墊試吓, 即刻落order, 睇睇成效如何再諗下一步計策!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
