發生咗一段小插曲, 朋友J在某群組見到有人post咗達達豬嘅相出嚟, 問我知唔知道；呢個係private group, 我唔係群組會員, 當然睇唔到亦唔會知道!
咁我請J同呢位朋友講聲唔好意思, 請佢deleted post, 而另一朋友見到, 仲同admin做咗舉報, 呢個係我事後先知道！
再一次多謝大家對我3隻豬嘅愛戴, 而轉載達達相片嘅朋友應該係好鍾愛達達豬, 到後來經過瞭解後, 我先知道原來佢係某網友, 以往我哋都曾經作過網上交流; 只係佢用咗唔同身份, 我唔知係同一個人, 所以當J問我是否認識佢, 我灑手擰頭!
如果我事先知情, 會婉拒佢轉載嘅要求, 就唔會有咁多誤會發生!
多謝大家支持我呢個公開嘅日記, 睇我自言自語自娛, 容忍我自己談天說地唱獨腳戲 :)
不過始終內容係屬私人記敍, 而相片亦只係屬於我自己!
我歡迎大家入嚟我blog分享我3隻豬嘅趣事麻煩事, 但係在我不知情下, 出現喺其它媒體而我完全唔知, 當然唔願意!
一段小插曲告一段落, 但呢件事話咗比我知, 有朋友好捍衞我之所屬, 亦有朋友會關心報料話比我知; 同一件事, 亦令我知道有人好鍾意我嘅豬豬, 多謝支持!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
