 |
| 蓋住籠頂唔好再往上望! |
今日將手伸向波波佢又叫, 從見到佢側身到依家已經幾個月, 有睇醫生用西藥, 又用順勢藥再加物理治療, 但呢個仔情況總係反反覆覆, 時而似有好轉時而掂佢會叫 :(
幾個醫生都有唔同講法, 但似乎無一個比到真正有幫助嘅治療, 見佢側身一直無特別好轉, 最近仲舉唔起腳尿尿, 又偶然會痛到叫, 我個心好亂!
近來喺屋企幫波波做物理治療, 我都集中當佢係肌肉勞損, 因為最近呢次睇Dr. Fan都有幫佢做神經反射嘅測驗; 從頭頸到腳腰, 都有幫佢詳細檢查, 佢神經反射正常, 唔似有椎間盤凸出壓住神經線; 當幫佢按壓全身, 除咗腰仔有痛嘅反應, 最痛應該係右肩!
一直focus喺右邊肩膊位, 做iWand照紅外線都以呢個位置為主線, 選擇順勢療劑當然都集中傾向用於呢方面!
其實我自己信順勢療法係有效, 因為我自己有用過順勢療劑, 當我小腿抽筋, 痛到難以形容, 嗰頭將藥丸放入口中, 好似未吞下就已經將症狀緩解, 尤如神奇魔法!
今次對波波我感覺自己斷症有困難, 用肌肉勞損扯傷藥又似乎唔啱, 佢食咗都一樣咁慘, 唔知佢邊度出問題係最煩; 順勢療法非常講求因應症狀用藥, 我咁亂打亂撞, 雖然話唔會有副作用, 但click唔中即係幫唔到都係慘啦!
人一心亂就腦筋糾結埋, 我腦中一片空白, 今日求助Mi大家商量吓; 佢話呢組藥幫唔到就試吓其他, 佢覺得波波應該係骨刺作怪, 叫我從呢方面著手試吓!
諗落又好似啱, 月前波波因側身睇Dr. Fan , 佢都有話波波右邊有痛, 係佢自己就力所以先傾身左側!
會唔會就係骨刺吉到佢痛? 所以佢先傾側身避開傷患?
一直忽略咗骨刺問題, 今日同Mi傾談後越諗越覺得似啦!
當日Dr.Hsiang幫波波照x- ray都有話佢腰頸都有骨刺, 咁好大可能今次側身同右邊痛都係頸嘅骨刺作怪!
再同A傾談, 佢都同意呢個推論, 認為可能性大!
咁既然相信係頸嘅骨刺問題, 除咗困籠, 仲唔想佢成日昂起個頭仔, 呢個動作會影響佢康復; 一於用布蓋住籠, 日間將佢單獨困房中, 唔想佢見到兩個女會激動!
要狠心將佢隔離, 就當佢留院休養中, 有我陪伴佢應該放鬆!
夜晚當然都係要困籠, 將圍欄床收細將達達分隔, 等兩隻豬唔好互相撞碰!
再從新選擇過順勢藥, 希望從呢個方向去用, 今次會命中!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
