 |
| 相片連結 做完治療比波波留喺大床瞓一陣間 |
波波今次出事已經有3星期, 其實真正原因我唔知係乜事, Dr.Fan檢查過話反射神經無事, 覺得佢係肌肉神經發炎; 食西藥食足兩星期, Dr.Fan話食完應該無事, 但佢都係行到有D搖擺不定, 不過都算係好咗D; 咁耐以來我一直將佢困籠, 要佢完全休息, 除咗物理治療同大小二便放監一陣, 困籠咁耐佢開始發脾氣!
我都知道困住係好慘, 但放佢出嚟有困難, 今晚見佢便便時用力都有D企唔穩, 咁點放呀?
一直用住順勢療法, 希望唔好惡化, 但願比多D 時間會好D啦; 至於佢側身嘅問題, 我已經放下, 只要對佢無妨礙, 我唔再諗喇!
有過問題要回復原狀的確好難, 3隻豬都同以前唔同晒, 唯有勤做保養啦; 但求唔好有突然驚嚇, 我接受到佢哋日漸老大!
喺屋企地磚行得唔穩就用地墊幫忙卸力, 要出去散步就行短D時間, 希望唔使一刀切咁慘, 比佢哋慢慢行!
已經收到地墊, 鋪好就每日放波波一陣間啦!
希望幫到達達行多D, 強化後腿肌肉, 腳仔唔會再震喇!
近日真係熱得交關, 即使波波無事都唔敢出去行, 喺屋企都要長開冷氣比佢哋歎, 今日聽聞有隻松松喺屋企都中暑, 入咗院啦!
自從波波困籠, 兩個女自動走埋一齊, 以前有波波, 達達係唔會黐住豆b㗎, 今次就當比個機會兩個女好好培養感情啦!
勤力幫波波做無針針灸法, 仲有紅外線照射加上場效應治療, 再訂咗新嘅順勢療劑返嚟比3隻豬試吓!
介紹咗Ka嘅狗狗用順勢療法, 佢話狗狗好夾, 以前有Ｏ型前腳, 醫生講過係退化, 不過依家見佢直番, 而且精神同活力都好過以前好多啊!
好開心Ka行啱咗路, 幫到狗狗我都開心啊!
大家都加油呀, 要相信明天會更好, 只係需要多D時間!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
