 |
| 相片連結 |
咁熱嘅天氣, 帶佢哋出去實熱死, 都係保險D留喺屋企歎冷氣; 托賴豆b都好耐無扯氣, 希望溫度控制得宜, 咁佢哋唔辛苦時, 我又唔會比佢哋嚇死!
3隻豬都好多事, 年紀越大面對越多健康問題, 我又特別緊張, 真係有苦自己知!
養狗狗嘅人有千百種心態, 有人養得輕鬆自在, 有人比我花更多精神時間, 不過主要都係取决你狗狗嘅健康狀態啦, 佢哋身體健健康康時, 你點會知道有咁多五花八門嘅疾病, 點需要千方百計去揾方法破解!
Mi話"癡癡呆呆, 坐埋一枱", 越嚟越同意呢個講法, 只有同樣經歷嘅朋友, 照顧過長期病患, 先會感受到嗰種壓力有幾大, 正所謂一朝被蛇咬, 個道理好簡單!
我都曾經有過一段好輕鬆嘅養狗生涯, 養bebe時邊識驚, 佢一直都健健康康, 獸醫呢兩個字喺腦中係一片空白; 直到老年有心臟病, 抽筋氣促到離開, 都係好短時間; 跟住嘅4寶, 有嘅都係一般毛病, 只有叻叻係嚇得我最慘!
湊叻叻真係好似跌咗落個黑洞, 佢患病期間生活如喺水深火熱之間, 雖然經歷嘅時間唔算特別長, 佢嘅前半生都算健康, 但曾經滄海, 狗狗有良好健康係我特別祈盼!
真係越緊張越攞命, 命中注定要遇上!
呢3隻豬好似特別多毛病, 一件一件上, 令我認識咗好多唔同嘅疾病; 還好遇到有狗友同病相憐, 照顧過狗狗有長期病, 先體會到嗰種苦況, 比我知道唔係我特別緊張 :)
有你哋喺我身邊大家互相支持, 有新體驗互相分享, 一齊探求研究好嘅治療方案, 希望保住狗狗健康!
有咗你哋, 世界變得唔一樣 :)
 |
| 達豬照腳底 |
每日兩次勤力去幫3隻豬刺激穴位, 希望佢哋經絡順暢, 身體健康; 達達集中照多D脚掌, 我最驚係抽筋病, 估唔到對孖胎照脚掌都有反應, 腳底原來係最敏感嘅地方!
3隻豬當中, 豆b反應最劇, 手腳都舞動, 即係佢經絡受阻最嚴重, 佢最傷!
條短片見到, 上面嘅豆b手腳都舞動, 下面嘅波波同達達一樣, 手仔無郁動, 祗郁後腳, 估計係腰下較傷!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
