 |
| 相片連結 |
呢幾日好忙, 要幫兩個女浸微泡浴, 波波又再一次要擱置, 邊敢郁動佢咁多!
兩個女浸完微泡毛毛鬆好多, 達達豬都算maintained 番full coat 囉!
雖然唔確定到成效如何, 都好勤力幫3隻豬做無針針灸術, 波波真係好番好多; 但枝針灸筆究竟有無用? 佢哋有無特別感覺? 佢又唔識同我講, 收唔到料, 奈何!
不過, 唔可以否定困籠食藥有好大幫助! 枝針灸筆我自己都有試過, 但一如過往我做咩都唔覺有效果, 波波呢樣好似我, 所以即使佢有好轉, 我唔會話全係因為呢枝筆嘅幫助, 就如Dr. Fan 所講, 唔想將佢神化咗!
不過代理話即使無感覺, 仍然係有其效果, 希望係咁囉!
Mi都買咗呢枝針灸筆, 佢自己有用過, 佢話用咗條頸感覺係鬆好多, Ka又話做咗會精神咗, 咁我希望係我感覺遲鈍, 呢枝筆係有佢嘅價值, 所以我勤力咁幫3隻豬做保養囉!
不過幫達達做又好唔同, 當然某D穴位可能我照錯, 但佢嘅反應就好鼓勵我, 令我相信呢枝筆真係有效果; 琴日同達達照湧泉穴, 呢個係一個主要穴道, 當我照向佢腳底, 佢反應好大喎; 明顯我無掂到佢, 呢枝筆又只有光無熱, 而且佢瞓咗, 無可能配合我; 不過佢較弱嘅脚仔反應係大好多, 即係一向有脚震嗰邊比到反應我, 無事嗰邊就唔覺有特別囉!
代理都講過, 狗狗係好聰明嘅動物, 佢哋有需要會識逼近去接收個效果!
呢樣又好似係喎, 明顯波波初次用時enjoyed好多, 完全唔郁任我將枝針灸筆擺放, 但依家佢好咗, 就無咁合作; 當然有D穴位佢都會唔郁好定比我照, 但同初做時真係唔同咗, 我要等佢瞓著先做會好好多!
咁我都寧願佢唔需要, 但如果佢乖乖肯做就當保健, 咁希望唔會病發再嚇死我!
豆b一向做任何治療都好似個陀螺, 每次都係咁轉唔肯好好咁坐, 我又怕個紅外線燈將佢燙傷, 又怕D光線傷到佢眼仔, 每次幫佢照燈都攰死咗; 但好奇怪做呢個無針針灸, 佢又肯定定咁喎!
 |
| 有咗個座好得多囉! |
每次有朋友問起我用呢枝筆嘅效果, 我都無肯定答案, 但見到3隻豬嘅反應, 我相信或多或少都有幫助!
做呢個治療好處係大家都無壓力, 仲有多謝M第一時間幫忙訂購個座, 令我幫佢哋照射時輕鬆好多!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
