 |
| 相片連結 |
波波好似越養越豆腐, 明明三隻豬當中佢係行得最好, V曾話過佢歩姿尤如馬匹行花歩, 有好完美嘅歩操; 波波行路一向都似一個彈跳中嘅皮球, 彈吓彈吓咁踱步, 將佢改名做波波都係based on佢嘅腳步!
幸福果真唔係必然, 唔知仲有無機會再見到波波咁樣行路, 如果真係因為骨刺問題, 真係頗難康復, 唔會因為咁去做個移除骨刺嘅大手術, 只好用保守嘅方法做到最好!
希望順勢療劑可以幫到, 物理治療勤力D做, 但求保住佢唔痛就好!
希望佢側身真係因為避開骨刺痛, 如果唔係更嚴重嘅病痛, 我會比較放鬆!
波波行得差咗, 但達達又頗有進步, 自從佢毛髪恢復就行得越嚟越好, 信心大咗, 夠膽週圍貢!
近日佢都有嘗試行出界, 離開地氈將步行範圍擴大, 但我依家又唔想佢咁勇喇!
 |
| 雖然有D戰戰兢兢, 但都敢行出嚟! |
真係買咗佢哋怕, 尤其近日見到幾個網友嘅松松都關節出事, 3隻豬都有不同程度嘅膝關節移位, 松松嘅縮命都係逃唔過喇, 盼只盼盡量保養好D, 唔使佢哋痛痛啦!
每日都做保養, 出盡法寶去努力, 每一個治療都唔同效用, 又要做個時間表喇 ;)
今次對無針針灸法最依賴, 因為我一向後知後覺無感覺, 我試做唔作得準啦, 可能我無痛症所以分別唔大; 但阿女打波整痛咗手肘, 我幫佢做時佢話有感覺㗎, 明明無貼肉照射, 但佢話感覺到有輕微撞擊力, 做咗兩次, 佢話係有好D呀!
希望係真啦, 唔係咁啱自我康復緊卦!
我唔介意做多D, 醫生話呢個治療唔會over, 照腰可以照天光㗎; 但無必要啦, 佢哋成日移位瞓覺, 徙氣啦!
希望保養吓, 等佢哋血液循環唔好變差, 畢竟要接受年紀大咗喇; 然後下一步都係鋪好地墊, 幫佢哋腳仔卸力, 好心急等貨到啊!
睇老犬生活指南, 列出咗好多老犬行為健康嘅改變, 尤幸3隻豬都未算好差!
的確小型犬9歲應該唔係咁差, 只係呢3隻豬特別麻煩嘛!
多謝大家一直支持這個小天地,
不過本blog的內容及照片,
不希望在其他媒體上轉載,
多謝留意及支持！
聲明 **我喺呢個BLOG所提及嘅所有補充品同有關嘅醫療器材,用品,方法等, 並無收取任何廣告費用, 無任何得益。我唔係獸醫，只係一個同幾隻狗狗共同生活嘅普通人, 原意只想分享我用過嘅產品, 經驗，我養狗狗嘅心路歷程。 望比各主人作個參考咁, 不承擔任何責任。醫療上嘅問題, 請徵詢醫生!
但大家要明白,保健品嘅療效及保健用嘅方法, 對每個身體並唔一定有相同反應, 大家喺選擇嘅時候，自己要做多D資料搜集, 因為你先最瞭解你寶貝嘅身體; 最好先咨詢醫生, 確定對狗狗原有服用嘅藥物有無干擾, 千萬唔好盲目相信效用.
希望大家以安全為大前提下，為自己嘅狗狗選擇合適嘅保健品同保健方法。**
大家要小心, 所有保健品都有機會導致個別狗狗有敏感㗎！
