近日都沉醉喺我嘅羊毛氈玩意, 我好想可以做到, 過去同依家, 同我一齊生活過嘅8隻狗狗!
依家身邊嘅3隻豬仔, 仲可以同我日夕相對; 但去咗彩虹橋嘅5隻寶貝, 過去嘅一點一滴, 就只可以喺相片重溫!
我好想可以用羊毛氈, 留過立體紀念, 無奈我力有不棣, 任我做完再做, 點做點改, 都做唔出嗰種采; 只可以跟住一D表面特徵去做佢哋, 不過當望住佢哋嘅相片開始去做, 無數過去片段, 好似電影咁一幕幕出現眼前; 有時做好隻成品出嚟, 有少少相似, 個心會非常觸動, 原本諗住做嚟玩吓, 想唔到會別有一番滋味! 今日終於做好8隻狗狗, 可以舒一啖氣, 好似卸下重擔, 無晒壓力! 等我慢慢去做一D佢哋心愛嘅小玩意, 呢D就真係純粹娛樂, 做咁微型小巧嘅物品真係幾有挑戰, 好容易會'篤'親手指!
不過要多謝好朋友A, 佢細心咁送比我一個指套, 當時我無諗過真係有用, 原來作用咁大, 做微型玩意可以保護住隻手指!
我做好幾個有代表性嘅玩具比安安同樂樂, 今後可以輕鬆咁做吓玩吓, 再唔駛好似之前咁, 當係一個使命一定要自己完成!
我好想可以用羊毛氈, 留過立體紀念, 無奈我力有不棣, 任我做完再做, 點做點改, 都做唔出嗰種采; 只可以跟住一D表面特徵去做佢哋, 不過當望住佢哋嘅相片開始去做, 無數過去片段, 好似電影咁一幕幕出現眼前; 有時做好隻成品出嚟, 有少少相似, 個心會非常觸動, 原本諗住做嚟玩吓, 想唔到會別有一番滋味! 今日終於做好8隻狗狗, 可以舒一啖氣, 好似卸下重擔, 無晒壓力! 等我慢慢去做一D佢哋心愛嘅小玩意, 呢D就真係純粹娛樂, 做咁微型小巧嘅物品真係幾有挑戰, 好容易會'篤'親手指!
不過要多謝好朋友A, 佢細心咁送比我一個指套, 當時我無諗過真係有用, 原來作用咁大, 做微型玩意可以保護住隻手指!
我做好幾個有代表性嘅玩具比安安同樂樂, 今後可以輕鬆咁做吓玩吓, 再唔駛好似之前咁, 當係一個使命一定要自己完成!
 |
| 1995年往彩虹橋嘅bebe! 佢係我做得最多, 改得最多嘅一個, 唔通佢離開咗我太耐, 我無辦法捉番佢嘅神彩? |
 |
| 2006年往彩虹橋嘅叻叻! 拖到最後, 終於做好我摯愛嘅叻叻, 我同老公都一直最放唔低佢, 佢病中同佢經歷嘅每個片段, 都好難忘記! |
 |
| 2009往彩虹橋嘅精精! 最安靜嘅精精, 佢嘅一生默默中渡過, 既唔撒嬌亦唔爭寵, 連離開都悄悄無聲! |
 |
| 2010年往彩虹橋嘅安安! 最懂事嘅安安, 本來驚佢寂寞想帶比佢一個伴, 點知一帶3寶令佢嘅寵愛被分薄, 佢無爭寵又安於情況, 係性格最溫純,最乖嘅仔仔! |
 |
| 2011年往彩虹橋嘅樂樂! 佢活得最耐但拖得最苦嘅一個, 願佢依家喺彩虹橋搵番叻叻, 一齊開心過生活, 無憂無慮去玩佢心愛嘅彩虹球!, |
3隻寶貝豬仔, 身體都各有毛病, 希望我識好好同佢哋保養; 只願佢哋身體健康, 會陪伴我好耐好耐!
 |
| 波波細時如一磚豆腐, 稍為觸碰都好似會整碎, 尤幸個奀皮仔依家硬朗咗咁多! |
 |
| 一身豐厚披毛嘅達達, 又再度脫毛, 希望佢只係一個時間性循環, 最終會長得番! |
 |
| 算做得最似係豆b, 可能同佢有緣份, 所以誤打誤撞咁住咗喺我家! |
買咗幾個展示箱番嚟, 珍而重之分開放好佢哋, 仲同佢哋佈置埋背景, 呢個對我有多重意義! 好巧合每個箱內嘅狗狗, 都來自同一個breeder, 佢哋喺番一齊, 特別有趣, 只係bebe同安安相隔太耐, 並唔認識對方; 不過佢哋依家喺彩虹橋上, 一定已經大家認識咗, 同係媽媽嘅乖乖仔女, 一定會守望相助!
 |
| 豆b, 達達&波波, 來自breeder K.P.Ho! |
 |
| 彩虹橋上嘅叻叻, 樂樂&精精, 來自breeder C.N.Hui! |
 |
| 彩虹橋上嘅BeBe & 安安, 來自breeder S.Y.Chiu! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
