今日嘗試煲魚湯! 我一向都好少用魚嚟煲湯嘅, 怕好腥; 不過朋友推薦用梭羅魚, 我再問過好多人都話好有益, 亦唔腥, 放落雪櫃後會凝結成jelly狀, 應該膠原豐富; 咁今日就做嚟比一家人同埋3隻豬仔一齊品嘗啦!
材料:
梭羅魚: 蛋白質含量高, 胆固醇含量低, 含有豐富既氨基酸、不飽和脂肪酸, 维生素及礦物質.
馬鈴薯: 含豐富的鉀、維他命A、B和C、鈣質、碳水化合物, 鐵質等. 其營養加熱時不易流失, 是很好的食物, 對皮膚炎、貧血都有幫助.
蕃茄: 含豐富的蕃茄紅素, 有效延緩衰老功效.
原來生番茄不但無益, 仲有毒性, 而煮熟嘅番茄營養先有效,以後番茄都係要熟食先好!尤其餵狗狗一定要餵熟透嘅蕃茄啊!
紅蘿蔔: 含豐富纖維素及硒元素, 並富含蛋白質, 脂肪, 碳水化合物, 維他命及鈣, 磷, 鐵等礦物質. 可預防血管疾病, 糖尿病, 能控制癌細胞異變, 提升免疫功能. 紅蘿蔔還具平衡血壓, 幫助血液循環, 淨化血液, 促進新陳代謝及強化肝臟機能的功用.
做法:
坊間做法好多, 但都係各施各法啦; 好似有話梭羅魚唔駛劏肚, 連鰓帶腸一齊煲更好味, 我想法就唔係咁樣, 怕腥!
1. 梭羅魚劏好洗乾淨, 隔去水份.
2.紅蘿蔔薯仔去皮, 同蕃茄分別切塊. 開始煲湯, 我怕太遲落呢d材料唔出味道.
3. 將鑊燒紅, 加少許油放下3片薑片爆香, 再煎香梭羅魚(我用椰子油). 將魚煎至兩面微黃, 不要熄火之後加熱水.
煲湯嘅時間唔係越耐越好架, 一般魚湯煲一個鐘頭就夠, 太耐會破壞咗魚湯嘅氨基酸, 反而唔妥!
試過D湯其實真係唔錯嘅, 但我自己就始終唔係好鍾意魚湯; 3隻豬仔唔駛講搶住嚟飲, 仲飲到"嗒嗒"聲!
以後可以用多D配搭, 做唔同嘅美味魚湯比佢哋, 我自己嘛, 間中飲吓算喇:)
 |
| 將紅蘿蔔同薯仔加落魚湯用攪拌機打爛 |
 |
| 睇豆b又想偷步, 唔肯坐定定等! |
