 |
| 天開始黑喇,要番屋企喇! |
琴日傍晚出去, 發覺真係比晨早好, 雖然天氣都係炎熱, 但感覺無咁焗, 仲有D涼風; 不過我只落平台, 無到街上"實地考察", 究竟會唔會好多狗狗? 究竟適唔適合呢個時段帶波波?
今日傍晚, 又再出動, 今次帶埋豬豆, 睇過情況再決定比唔比佢行!
落到去街, 都係先放波波, 初段真係幾好, 唔太熱又有涼風, 仲無見到好多狗狗; 點知轉咗落下一條街, 真係每行幾步都遇到,
波波就緊張起嚟, 我都唔知佢點諗, 點解每次見其他狗狗都要撲要吠!
其實無耐之前, 實行正向訓練, 都見有少少成積嘅, 不過依家投鼠忌器,
好怕整親佢背部條骨刺; 醫生又忠告, 唔好比佢撲撲跳跳, 可能我緊張過份, 都影晌到佢; 無辦法喇都係俗語講句, 寧願"斬腳趾避沙虫",
好過去博要做手術, 話晒呢D係神經腺嘅手術, 風險好高; 做得好就當然好, 萬一失敗, 會傷及神經變癱埋!
可以保住唔做我梗係拼命保啦, 是以一望見狗狗, 我一定將佢抱高! 真係有D麻煩, 點去調較, 適合嘅時段又唔適合比波波行;等我再試多幾日, 再諗下點係最好, 點先可以做到兩全其美, 唔係兩難!
波波行時, 兩隻女係車車歎, 跟住輪到達達, 佢行得好好, 見到其他狗狗佢好少理, 只要狗哋唔好過嚟煩佢就ok!
達達行完同波波坐車車, 跟住我比豆b落地, 見到有風吹住都唔算太熱, 可以比佢舒下悶氣, 行咗十幾分鐘準備要番屋企喇, 華燈初上要準備食晚餐!
 |
| 初段路程波波行得完全無問題! |
 |
| 達達依然行得唔錯! |
 |
| 有風吹住豆B行得都幾舒服! |
 |
| 波波行緊兩隻女坐車車! |
 |
| 其實話唔太熱但見佢哋伸晒脷就知夏季始終都係熱 :( |
 |
| 輪到豆b行行! |
 |
| 天開始黑喇! |
 |
| 又係食晚飯時間! |
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
