小病是福?

成日企喺我床邊唔肯出去

已經有好多日無寫blog，都無同狗狗出去，小小一個感冒，我都覺得好折磨; 最慘係有咳，咳咗一日仲要失埋聲先攞命，好彩有朋友送嘅鹹咭仔，沖水兩次就開到聲; 從一個小病去睇大病，都難怪病者有負面情緒，病真係一個折磨! 

每個人都要居安思危, 要小心愛惜身體, 唔好太放緃飲食, 作息要均衡! 我一直都好小心狗狗嘅飲食健康，自己反而無去諗; 今後要多加注意，每個人嘅健康問題; 有話小病是福我真係唔同意, 一樣辛苦到死，元氣大傷; 不過人生在世又無得逃避, 只可以加強防備唔好比病魔咁頻密入侵; 因為一個人病固然辛苦, 但身邊嘅摯愛, 都係好擔心; 從姐姐得病見得到, 身邊嘅人都係寢食難安!

一生人最怕見醫生, 但前幾日要去睇牙醫, 雖然係例行工事去洗牙, 但都係好鬼憎; 依家仲要咳咳咳, 都怕難逃再去睇醫生嘅命運, 咳咗幾日攪到喉嚨好痕!

3隻豬仔我都少咗打理, 自己咳到魂頭轉向無晒心機, 望下佢哋都好似同我一樣, 無人理佢哋都係無哩神氣!
所以真係要小心打理好身體, 原來有病唔會只係自己嘅事, 好似牽一髮會動全身!

                                                                 達達唔敢行入房, 只好喺廳猛轉圈!

多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！