 |
| 達豬疏落嘅毛毛好明顯! |
今日又同達達豬沖涼, 本來夏天我每兩星期同佢哋沖一次, 不過睇過dermagic shampoo嘅官方網頁, 佢哋建議第一個月沖密D, 要keep住一星期一次, 之後再改番兩星期; 又參考咗網友ka比我嘅一條link, 有台灣狗狗用水療治病, 我都有同H醫生研究過, 佢話水療對皮脂漏嘅油脂過多, 應該有D幫助, 起碼將皮屑洗落之後，皮膚感覺都會舒服D; 其實呢個同沖涼分別唔太大, 咁達達都開始多咗黑色素沉著喇, 我就喺呢個月同佢每週沖涼一次, 算喺屋企做水療啦!
每次沖完涼, 佢D黑色素又真係會淺色咗少少, 唔知呢D係唔係一種分泌, 係身體發出黎, 但摸佢又唔濕又無難聞氣味, 都唔理係乜解究囉, 反正隻豬女好鍾意沖涼!
沖完涼又例行同佢影番幾張相, 要留個record嚟做個對比, 不過睇相真係同真實情況有D差異, 某D角度, 相中嘅達達毛毛仲好似幾靚 ^o^
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
