今日傍晚又同3隻豬仔出去行街街!
唔知係咪落過雨, 出到去一D都唔熱, 仲有風, 吹埋嚟都好舒服, 抬頭望向天上, 竟然有藍天白雲, 唔再係灰黑色一片, 心情即刻好咗; 生活就係咁樣過, 人生一定會經歷波折, 狂風暴雨之後, 一定會再見藍天!
真係唔好諗得太多, 人嘅路都係順勢咁走過, 只要堅持唔放棄希望, 就可以放鬆咁生活落嚟; 每件事都嘗試正面去睇, 我都知呢D講就容易, 但難都要去做, 我都調較緊自己, 唔好再凡事都緊張奚奚 :)
同佢哋分別行咗15分鍾, 開始見有其他狗狗出動, 波波眼神好似隻獵豹咁, 成日好似準備進攻, 我真係唔明佢吠係究竟想點? 放佢行埋其他狗狗度, 佢又好快走番出嚟! 佢其實真係得把聲遙遠控制, 叫佢走近其他狗狗, 佢好鬼驚, 可能佢驚先會吠, 用把聲嚟壯大氣勢!
都唔再揣測佢嘅意思, 比佢出嚟跑過走過, 就當佢壓力放低喇! 同3隻豬上番車仔, 推住佢哋遊下花園再行多一陣, 大家都舒出咗D悶氣, 就一齊番歸喇!
多謝大家一直支持這個小天地, 不過本blog的內容及照片, 不希望在其他媒體上轉載, 多謝留意及支持！
